سارسەنبى, 13 قاراشا 2019
422 2 پىكىر 7 قاراشا, 2019 ساعات 14:11

«كوركەمسوز وقۋ شەبەرلەرى» اتتى قالالىق كونكۋرس وتەدى

الماتى قالاسى اكىمى اپپاراتىنىڭ تىلدەردى دامىتۋ جانە لاتىن گرافيكاسىنا كوشۋ ورتالىعى الماتى قالاسى اكىمدىگىنىڭ  2017 جىلعى 18 مامىرداعى № 2/163 «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2019 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2017-2019 جىلدارعا ارنالعان ءىس-شارالار جوسپارىن بەكىتۋ تۋرالى» قاۋلىسىن جۇزەگە اسىرۋ ماقساتىندا جانە ورتالىقتىڭ 2019 جىلعا ارنالعان جۇمىس جوسپارىنا سايكەس «رۋحاني جاڭعىرۋ» باعدارلاماسىنىڭ اياسىندا، تالانتتى جاستار اراسىندا «كوركەمسوز وقۋ شەبەرلەرى»  قالالىق كونكۋرسىن وتكىزەدى.

كونكۋرستىڭ ماقسات-مىندەتتەرى: مەملەكەتتىك ءتىلدىڭ قولدانىلۋ اياسىن كەڭەيتۋ، ءتىل مادەنيەتىن كوتەرۋ، كوركەم ادەبيەتتى ناسيحاتتاۋدى جانداندىرۋ، تالانتتى جاستاردى تابۋ جانە جان-جاقتى كوتەرمەلەۋ. كوركەم ادەبيەتتى، قازاق قالامگەرلەرىنىڭ شىعارماشىلىق مۇراسىن ناسيحاتتاۋ، قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋ.

كونكۋرسقا قاتىسۋشىلار: كونكۋرسقا كوركەمسوز وقۋ شەبەرلىگىن يگەرگەن 17-29 جاس ارالىعىنداعى جاستار قاتىسادى. كاسىبي ونەر سالاسىنىڭ ماماندارى، وسى سالاداعى وقۋ ورىندارىنىڭ ستۋدەنتتەرى، سونداي-اق وسى كونكۋرستىڭ وتكەن جىلدارداعى جەڭىمپازدارى كونكۋرسقا جىبەرىلمەيدى.

كونكۋرستىڭ شارتتارى. قازاقتىڭ بەلگىلى اقىن، جازۋشى، دراماتۋرگتەرىنىڭ كوركەمدىگى جوعارى شىعارمالارىن نەمەسە شىعارمادان ءۇزىندى وقۋ. شىعارمالار قازاقستان، تۋعان جەر، تاۋەلسىزدىك، استانا، ەل بىرلىگى، جاستىق شاق، ءتىل تۋرالى تاقىرىپتاردا بولۋى ءتيىس. كونكۋرس تومەندەگىدەي كەزەڭدەر بويىنشا وتكىزىلەدى:

پروزالىق شىعارما وقۋ;

پوەزيالىق شىعارما وقۋ;

درامالىق شىعارما وقۋ.

كونكۋرستىڭ جۇلدەگەرلەرى مەن قاتىسۋشىلارى باس جۇلدە ديپلومى جانە 200 000 (ەكى ءجۇز مىڭ) تەڭگەنىڭ سەرتيفيكاتى; 

-I دارەجەلى ديپلوم جانە 150 000 ء(جۇز ەلۋ مىڭ) تەڭگەنىڭ سەرتيفيكاتى;

-II دارەجەلى ديپلوم جانە 100 000 ء(جۇز مىڭ) تەڭگەنىڭ سەرتيفيكاتى;

-III دارەجەلى ديپلوم جانە 70 000 (جەتپىس مىڭ) تەڭگەنىڭ سەرتيفيكاتى.

-نوميناتسيا – 2 ديپلوم جانە 35 000 (وتىز بەس مىڭ) تەڭگەنىڭ 2 سەرتيفيكاتى;

- ىنتالاندىرۋ – 2 ديپلوم جانە 30 000 (وتىز مىڭ) تەڭگەنىڭ 2 سەرتيفيكاتىمەن جانە ارنايى ديپلومدارمەن، سىيلىقتارمەن ماراپاتتالادى. 

وتەتىن ورنى: بوستاندىق اۋدانى اكىمى اپپاراتىنىڭ ءماجىلىس زالىندا (ايمانوۆ كوشەسى، 191) 

وتەتىن ۋاقىتى: 2019 جىلعى 15 قاراشا كۇنى ساعات 10.00

Abai.kz

2 پىكىر