بۇگىن قازاقستان پرەمەر-ليگاسىنىڭ 2019 جىلعى ماۋسىمداعى سوڭعى ماتچتارى ءوتىپ، چەمپيونات مارەسىنە جەتتى. 

ەل بىرىنشىلىگىندەگى سوڭعى ويىندا ءوز الاڭىندا كوكشەتاۋدىڭ «وقجەتپەسىن» قابىلداعان قىزىلوردالىق «قايسار» 1:1 ەسەبىمەن تەڭ تارقاستى. ءسويتىپ، «قايسار» فۋتبول كلۋبى 33 ويىننان 42 ۇپاي جيناپ، العاشقى التىلىقتى تۇيىندەدى.

قىزىلودالىق كلۋب سونىمەن قاتار قازاقستان كۋبوگىن جەڭىپ الىپ، 2020/2021 ماۋسىمدا ەۋروپا ليگاسىندا ونەر كورسەتۋگە مۇمكىندىك الدى. بۇل قىزىلوردالىق جانكۇيەرلەر ءۇشىن باعا جەتپەس سىيلىق بولدى. ەندى كەلەسى جىلى سىر بويىندا ناعىز ەۋروپالىق فۋتبول تويى وتەتىن بولادى.

«قايسار» — «وقجەتپەس» 1:1 (1:0)
گولدار: بارسەگيان 40 (1:0), نوسەرباەۆ 84 (1:1)

ال چەمپيونات قورىتىندىسى بويىنشا، «استانا» قاتارىنان التىنشى مارتە ەل چەمپيوناتى اتاندى. الماتىلىق «قايراتقا» كۇمىس جۇلدە بۇيىرسا، «ورداباسى» ۇزدىك ۇشتىككە كىردى.

سوڭعى ەكى ورىنعا تۇراقتاعان «اقتوبە» مەن «اتىراۋ» پرەمەر-ليگامەن قوش ايتىستى. 10-شى ورىندى يەمدەنگەن «تاراز» كەلەر ماۋسىمدا قپل-دا ونەر كورسەتۋ قۇقىعىنا ءبىرىنشى ليگادا ءۇشىنشى ورىن العان ورالدىق «اقجايىقپەن» تالاساتىن بولادى.

پرەمەر-ليگانىڭ سوڭعى تۋرىنداعى وزگە ويىنداردىڭ ناتيجەسى: 

«ورداباسى» — «تاراز» 3:0 (1:0)
گولدار: جواو پاۋلو 5 (1:0), دياكاتە پەنالتيدەن 53 (2:0), ششەتكين 79 (3:0)

«جەتىسۋ» — «شاحتەر» 3:2 (2:1)
گولدار: زەنەۆ 10 (0:1), ستەپانيۋك 30 (1:1), اداموۆيچ 37 (2:1), توشەۆ 52 (3:1), نۇرعاليەۆ 63 (3:2)

«قايرات» — «اتىراۋ» 2:1 (1:0)
گولدار: جۋكوۆ 18 (1:0), ەسەولا 70 (2:0), دۋگاليچ اۆتوگول 77 (2:1)

«توبىل» — «اقتوبە» 2:1 (1:1)
گولدار: سەباي 30 (1:0), ساۋلەت 39 (1:1), تۇرىسبەك 58 (2:1)

«استانا» — «ەرتىس» 0:2 (0:1)
گولدار: مانزوررو 40 (0:1), مينگازوۆ 58 (0:2)

Abai.kz