16 قاراشادا الماتى قالاسىنداعى "حالىق ارەنا" سپورت كەشەنىندە الماتى قالاسى اكىمدىگىنىڭ قولداۋىمەن قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى ۇيىمداستىرعان "ەل ءۇمىتى" جاستار فورۋمى ءوتتى.

مەگاپوليس ەلوردالىق دارىندى بالالار مەن جاستاردى جان-جاقتى قولداۋ جونىندەگى ەلباسى باستاماسىن جۇزەگە اسىرۋ اياسىندا اۋقىمدى ءىس-شارا ۇيىمداستىرعان ەكىنشى قالا. ءبىرىنشى مارافون ايدىڭ باسىندا اقتوبەدە وتكەن ەدى.

ەرەكشە وقيعانىڭ باستى كەيىپكەرلەرى عىلىم، مادەنيەت، سپورت، ىسكەرلىك جانە قوعامدىق قىزمەتتە جەتىستىككە جەتكەن جاس قازاقستاندىقتار. بۇل الماتى، شىمكەنت، الماتى، جامبىل جانە تۇركىستان وبلىستارىنان شىققان 3000-عا جۋىق بەلسەندىلەر، كوشباسشىلار مەن ونەرتاپقىشتار. مارافوننىڭ باستى مىندەتى – وسكەلەڭ ۇرپاق پەن ءوز سالاسىنداعى كاسىپقويلاردىڭ شەكسىز الەۋەتىن، جەتىستىككە جەتۋدەگى تالپىنىسى مەن ەل دامۋىنا قوسقان ۇلەسىن كورسەتۋ.

قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ اتقارۋشى ديرەكتورى اسەت يسەكەشەۆ پەن الماتى قالاسىنىڭ اكىمى باقىتجان ساعىنتاەۆ قازاقستاندىق جاستاردىڭ جەتىستىكتەرىن اتاپ ءوتتى.

اسەت يسەكەشەۆ مارافونعا قاتىسۋشىلارعا ارناعان سوزىندە "ەل ءۇمىتى" باستاماسىنىڭ باستى ماقساتى – رەسپۋبليكانىڭ تۇكپىر-تۇكپىرىنەن – قالالار مەن اۋىلداردان، ءتۇرلى سالاداعى دارىندى بالالار مەن جاستاردى تاس باسىپ تانۋ ءارى قولداۋ ەكەنىن ايتتى.

- "ەل ءۇمىتى" باستاماسى اياسىندا ۇزدىك ءبىلىم بەرۋ رەسۋرستارى، تەستتەر مەن قىزمەتتەر اياسىندا جيناقتالادى. ولار بارلىق جانعا اقىسىز نەگىزدە قولجەتىمدى بولادى. سونىمەن قاتار، قازاقستاندا جانە شەتەلدە تاعىلىمدامالار، جوعارى وقۋ ورىندارىنا تۇسۋگە گرانتتار، اۋىلدىق جەرلەردەگى بالالارعا، دارىندى بالالارعا، وليمپيادالاردىڭ جەڭىمپازدارىنا جانە عىلىمنىڭ، يننوۆاتسيانىڭ، مادەنيەتتىڭ ءتۇرلى سالالارىندا ارنايى سىيلىقتار بەرۋ جوسپارلانۋدا, - دەدى اسەت يسەكەشەۆ.

الماتى جاي عانا "ەل ءۇمىتى" مارافونى وتكىزىلگەن ەكىنشى قالا بولعان جوق. مۇندا 700 مىڭعا جۋىق جاس تۇرادى، ياعني قالانىڭ ءاربىر ءۇشىنشى تۇرعىنى - جاستار. سونىڭ 230 مىڭنان استامى ستۋدەنتتەر. ولار الماتىنىڭ 39 جوعارى وقۋ ورنى مەن 81 كوللەدجىندە ءبىلىم الىپ جاتىر.

- تالانت پەن ەنەرگيا، كرەاتيۆتى شىعارماشىلىق قابىلەتتەر بۇل ءبىزدىڭ قالامىزدىڭ باستى ارتىقشىلىعى بولىپ تابىلادى. ءبىز مۇنى تۇسىنەمىز جانە جوعارى باعالايمىز. ەلباسى نۇرسۇلتان ءابىشۇلى نازارباەۆتىڭ تاپسىرماسى اياسىندا بيىل الماتىدا جۇمىس ىستەيتىن جاستار ءۇشىن 1050 پاتەر جالعا بەرىلەتىن بولادى. 2020 جىلدان باستاپ ءبىز «الماتى جاستارى» باعدارلاماسىن جۇزەگە اسىرۋدى جالعاستىرامىز جانە پاتەر ءبولۋدى جىلىنا 1000-عا دەيىن ارتتىرامىز. الماتى جاستار ماسەلەلەرىن شەشەدى: جۇمىس بەرەدى، كاسىبي شەبەرلىگىن ارتتىرادى، بيزنەس باستامالارىن قولدايدى. ءبىز جاس ۇرپاق وزدەرىنىڭ "الماتى ارمانىن" جۇزەگە اسىرا الاتىنداي ەتىپ ءوز قالامىزدى دامىتامىز. سوندىقتان مەن "ەل ءۇمىتى" مارافونى قالا ءۇشىن ستراتەگيالىق ماڭىزدى دەپ سانايمىن، - دەدى الماتى قالاسىنىڭ اكىمى باقىتجان ساعىنتاەۆ.

ءوز كەزەگىندە جاستار جەكە ءوسۋ، العاشقى جەڭىستەر مەن ساتسىزدىكتەر تۋرالى ايتتى. جاس كاسىپكەرلەر، عالىمدار مەن مادەنيەت قايراتكەرلەرى وزدەرىنىڭ بەلسەندى قويىلىمدارىمەن مارافون قاتىسۋشىلارىنا كوتەرىڭكى كوڭىل-كۇي سىيلادى، بارلىعىن ۇلكەن تابىسقا باستاپ، كەز-كەلگەن سالادا باسەكەگە قابىلەتتىلىگىن ارتتىرۋعا ىنتالاندىردى.

ەلباسى قورىنىڭ وكىلدەرى مۇنداي وقيعالار ءجيى بولۋى كەرەك دەپ اتاپ ءوتتى. ولاردى تالانتتارىن جۇزەگە اسىرۋدا مۇمكىندىك ىزدەيتىن بارلىق قازاقستاندىقتار ءبىلۋى كەرەك.

ەستەرىڭىزگە سالا كەتەيىك، "ەل ءۇمىتىنىڭ" قولداۋىمەن قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى ۇكىمەتپەن، اكىمدىكتەرمەن، ۇكىمەتتىك ەمەس ۇيىمدارمەن جانە بيزنەس-قاۋىمداستىقپەن بىرلەسىپ كوشباسشىلىق باعدارلامالارىن ىسكە اسىرادى، ءبىلىم بەرۋ رەسۋرستارىن دامىتادى جانە دارىندى بالالار مەن جاستاردى انىقتاۋعا ارنالعان بارلىق كەشەندى شارالاردى ۇسىنادى.

"ەل ءۇمىتى" مارافونشىلارىن قۇتتىقتاپ، جاستاردىڭ يگى باستامالارىنا قولداۋ كورسەتۋ ءۇشىن قازاق ەستراداسىنىڭ جارىق جۇلدىزدارى: Ninety One توبى، قايرات باەكەنوۆ جانە گۇلسىم مىرزابەكوۆا، رايم & ارتۋر، كامشات جولدىباەۆا جانە ت.ب. كەلدى.

مارافون قورىتىندىسى شاراسىندا جوبانىڭ بارلىق قاتىسۋشىلارىنىڭ جەتىستىكتەرى مەن جەڭىستەرى تۋرالى اقپاراتتارى بار قاتتى ديسك تۇڭعىش پرەزيدەنت قورىنا تاپسىرىلدى. مۇنداعى مالىمەتتەر بارلىعىنا قولجەتىمدى بولاتىن ارنايى پورتالدىڭ قۇرىلۋىنا نەگىز بولادى.

ال جاستار مارافونى نۇر-سۇلتان قالاسىندا جالعاسىن تاباتىن بولادى.

Abai.kz