مانساپقورلار – قولدارىندا ۇلكەندى-كىشىلى مانسابى بارلار.
جاعىمپازدار – سول مانساپقورلاردىڭ توڭىرەگىن جاعالاعاندار.
مانساپقورلار دا، جاعىمپازدار دا – نەگىزىنەن وقىعاندارداردان، قولىنا قالام ۇستاعانداردان، ايتەۋىر ءبىر ونەرلەرى بارلاردان شىعادى.

اتى شۋلى ستاليندىك قاندى قاساپ كەزىندە كەڭەس وداعىنداعى ۇلتتاردىڭ ىشىندە ەڭ كوپ وققا بايلانعاندارى، ايدالعاندارى ەسەپسىزى – ءبىزدىڭ قازاق ەكەن.
قاپتاعان وتىرىك-شىنى ارالاس كلاسسيكتەرىمىز ءبىرىنىڭ ۇستىنەن ءبىرى ارىز جازىپ، ۇستاتىپ، ايداتىپ اتقىزعاندار – سۇمدىعى اقىن-جازۋشىلار كورىنەدى.
مىنا ءوزىمىز «تاۋەلسىزدىك جىلدارى» دەپ اتايتىن 30 جىل ىشىندە شەكسىز جاعىمپازدانعاندار سانى – سەنەسىزدەر مە، سان ميلليونعا جەتىپتى!

ماسقارا ما، ماسقارا!
سۇمدىق پا، سۇمدىق!

بۇلاردىڭ كىم ەكەنىن قازاق جاقسى بىلەدى. انا مانساپقورلار مەن جاعىمپازدار – سول سۇمەلەكتىكتەرى ءۇشىن قازاق حالقىنان قاشان كەشىرىم سۇرار ەكەن دەپ باسىمىزدى بوسقا قاتىرمايىق...

«بۇكىردى – كور عانا تۇزەيدى» دەپ قازاق دانالىعىندا ايتىلعانداي، ولار سۇمەلەكتەر بۇل جالعاننان سول تۇزەلمەگەن كۇيلەرى كەتەدى.
الدىمەن ورىسقا، سوڭعى جىلدارى قىتايعا وتار بولۋعا اينالعان ماڭدايىنىڭ سورى بەس ەلى قازاعىمىزدى انا جەر قايىسقان مانساپقورلار مەن جاعىمپازدار ەشقاشان دا قورعامايدى جانە ۇلتقا اراشا تۇسپەيدى.
بۇل، اششى دا بولسا، اقيقات!

سوندا نە ىستەۋ كەرەك؟
مىنە، سۇراقتىڭ ەڭ ۇلكەنى وسى، «قالىڭ ەلىم، قازاعىم، قايران جۇرتىم!..»(اباي).

جۇماش كەنەباي

Abai.kz