قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار شاكىروۆ، سەناتورلار سارسەنباي ەڭسەگەنوۆ، دينار نوكەتاەۆا جانە سەرگەي پلوتنيكوۆ تاۋەلسىز مەملەكەتتەر دوستاستىعىنا قاتىسۋشى مەملەكەتتەر پارلامەنتارالىق اسسامبلەياسىنىڭ مەرەيتويلىق 50-ءشى جالپى وتىرىسىنا قاتىستى.

شاراعا قاتىسۋشىلار «مۇلىكتى سەنىمگەرلىك باسقارۋ جانە تراست تۋرالى»، «مىندەتتى قۇقىق تۋرالى»، «جارناما تۋرالى»، «ەكولوگيالىق زالالدى باعالاۋ تۋرالى»، «ەكولوگيالىق تۋريزم تۋرالى»، «مەملەكەت، ونىڭ سۋبەكتىلەرى جانە مۋنيتسيپالدىق قۇرىلىمدار اراسىنداعى مۇلىكتى ءبولۋ قاعيدالارى تۋرالى»، «الەۋمەتتىك تۋريزم تۋرالى»، «ترانسشەكارالىق اقپارات الماسۋ كەزىندە ەلەكتروندىق تۇردە نوتارياتتىق ءىس-ارەكەتتەر جاساۋ تۋرالى» ۇلگى زاڭداردى قابىلدادى.

«نورماتيۆتىك قۇقىقتىق اكتىلەر تۋرالى» ۇلگى زاڭ جاڭا ماتىندە قابىلداندى.

تمد پاا تەرروريزمگە جانە ەكسترەميزمنىڭ زورلىق كورىنىستەرىنە قارسى ءىس-قيمىل كەزىندە حالىقارالىق گۋمانيتارلىق قۇقىق قاعيداتتارىن قولدانۋ، ۇلتتىق ەكولوگيالىق قاۋىپسىزدىك ورتالىقتارىن ۇيىمداستىرۋ جانە تمد-عا قاتىسۋشى مەملەكەتتەر پارلامەنتشىلەرىنىڭ مارتەبەسى تۋرالى زاڭنامانى جەتىلدىرۋ جونىندەگى ۇسىنىمداردى قابىلدادى.

پارلامەنتشىلەر جۇمىس بارىسىندا تاۋەلسىز مەملەكەتتەر دوستاستىعىندا 2020-2022 جىلدارعا ارنالعان ۇلگى زاڭ شىعارۋدىڭ كەلەشەك جوسپارىن بەكىتتى.

Abai.kz