قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرىسىمەن شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى 2019 جىلعى 28 قاراشا كۇنى نۇر-سۇلتان قالاسىندا ەۋرازيا گۋمانيتارلىق ينستيتۋتى باس عيماراتىنىڭ اكت زالىندا «لاتىن گرافيكاسىنا كوشىرۋ ۇدەرىسىندەگى جاستاردىڭ ءرولى» تاقىرىبىندا سەمينار-كەڭەس ۇيىمداستىرادى.

ەلباسى نۇرسۇلتان نازارباەۆ 2019 جىلدى «جاستار جىلى» دەپ جاريالاعانى بەلگىلى. وسى يگىلىكتى ءىستىڭ اياسىندا تۇڭعىش پرەزيدەنت كۇنىنە وراي وتكىزىلىپ وتىرعان ءىس-شارا.

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ حالىققا جولداۋىنداعى قازاق ءتىلىنىڭ ۇلتارالىق قاتىنىس ءتىلى رەتىندە قالىپتاسۋ باعىتىنداعى جۇمىستاردىڭ ءبىر سالاسى قازاق ءالىپبيىن لاتىن گرافيكاسىنا كوشىرۋ ۇدەرىسىندەگى جاستاردىڭ الاتىن ورنى مەن اتقاراتىن ءرولىن انىقتاپ، پىسىقتاۋ، جاستارعا ارتىلاتىن مىندەتتەردى بەلگىلەۋ ءارى ناسيحاتتاۋ.

سەمينار-كەڭەس اياسىندا قازاق ءتىلىنىڭ جاھاندانۋ ۇدەرىسىندەگى لاتىن گرافيكاسىنا كوشۋدەگى لوگيكالىق ماعىناسى، قازاق ءتىلىنىڭ دامۋىنداعى ونىڭ ءرولى مەن ماڭىزدىلىعى قوزعالادى. جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگىن ارتتىراتىن رەفورما رەتىندەگى جاڭا الىپبيگە كوشۋ بارىسى، وسىعان قاتىستى اتقارىلعان شارالاردىڭ قورىتىندىسى، الداعى مىندەتتەر، جۇرتشىلىق اراسىندا بۇل رەفورماعا قاتىستى جۇزەگە اسىرىلعان جۇمىس ناتيجەلەرى ءسوز بولادى. ءالىپبي رەفورماسىنىڭ جالپىحالىقتىق سيپات الۋ تەتىكتەرىن ىسكە قوسۋدىڭ جولدارى انىقتالىپ، قوعامدىق ءومىر سالالارى مەن قۇرىلىم وكىلدەرىنە ارنالعان ءالىپبي رەفورماسى مەن جاس عالىمداردىڭ وسى ۇدەرىستەگى ءرولى تۋرالى پىكىرلەر تالقىلانادى.

سەمينار-كەڭەسكە ورتالىق اتقارۋشى مەملەكەتتىك ورگاندار مەن جەرگىلىكتى اتقارۋشى مەملەكەتتىك ورگانداردا قىزمەتتە جۇرگە جاس مەملەكەتتىك قىزمەتشىلەر، جوعارى جانە ورتا ارناۋلى وقۋ ورىندارىندا جۇمىس اتقارىپ جۇرگەن جاس عالىمدار، دوكتورانتتار مەن ماگيسترانتتار، فيلولوگ ماماندار، فيلولوگيا فاكۋلتەتتەرىنىڭ ستۋدەنتتەرى، جاس ءتىل ماماندارى جانە قازاق ءتىلىنىڭ بولاشاعىن ويلايتىن ءتىل جاناشىرلارى قاتىسادى.

Abai.kz