جۇما, 14 تامىز 2020
COVID-19 قازاقستاندا. جۇقتىرعاندار — 101848. جازىلعاندار — 78633. قايتىس بولعاندار — 1269
882 2 پىكىر 3 جەلتوقسان, 2019 ساعات 06:59

گەرمانيادا شتازي مۋزەيىنە ۇرى ءتۇستى

بەرليندە بۇرىنعى كوممۋنيستىك شىعىس گەرمانيانىڭ قاۋىپسىزدىك قىزمەتى - شتازي تاريحى تۋرالى مۋزەيدى بەلگىسىز بىرەۋلەر توناپ كەتكەن. بۇدان بىرنەشە كۇن بۇرىن درەزدەندەگى مۋزەيگە تۇسكەن ۇرىلار ونداعى باعالى زەرگەرلىك بۇيىمداردى الىپ كەتكەن ەدى.

بەرلين پوليتسياسىنىڭ حابارلاۋىنشا، شتازي مۋزەيىنە ۇرىلار 30 قاراشا كۇنى كەشكە نەمەسە ءتۇن مەزگىلىندە تۇسكەن. "ولار اينەكتى سىندىرىپ، مۋزەيدە تۇرعان مەدالدار مەن باعالى زاتتاردى الىپ كەتكەن" دەيدى پوليتسيا. ۇرى تۇسكەنىن 1 جەلتوقساندا تاڭەرتەڭ ءبىر-اق بىلگەن مۋزەي قىزمەتكەرلەرى پوليتسياعا حابارلاعان.

25 قاراشادا درەزدەندەگى بۇرىنعى ساكسونيا بيلەۋشىلەرىنىڭ سارايىنداعى ەلەكتر جەلىسىن ءىشىنارا اعىتىپ تاستاعان ۇرىلار مۋزەيدەن 18 عاسىردىڭ باعالى زاتتارىن الىپ كەتكەن. قولدى بولعان قۇندى جادىگەرلەر اراسىندا ساكسونيا كورولى اۆگۋستىڭ ايگىلى 49 كاراتتى گاۋھار تاسى دا بار.

Abai.kz

2 پىكىر