«تۋعان جەر» پاتريوتتىق شىعارماشىلىق فەستيۆالىن ۇيىمداستىرۋداعى ماقساتتىڭ ءبىرى – جاستاردى تۋعان جەرىنىڭ پاتريوتى بولۋعا باۋلۋ، وعان كىرشىكسىز قىزمەت ەتىپ، اتامەكەندى ۇلىقتاي بىلۋگە شاقىرۋ ەدى. تۋعان ولكەنىڭ قادىرىنە جەتىپ، باعالاي ءبىلۋ ءۇشىن جاستارىمىزعا كوپتەگەن ناسيحات قاجەت-اق.

وسى ماقساتتا «ازاماتتىق باستامالاردى قولداۋ ورتالىعى» كەاق-نىڭ مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى «تۋعان جەر» پاتريوتتىق شىعارماشىلىعىن دامىتۋ بويىنشا ءىس-شارالاردى ۇيىمداستىرۋ» جوباسى اياسىندا "تۋعان جەر" شىعارماشىلىق بايقاۋىن ۇيىمداستىرعان بولاتىن.

بايقاۋدىڭ مىندەتتەرى جاستاردىڭ ىزدەنىسىن ارتتىرۋ، شىعارماشىلىعىنا كوڭىل ءبولۋ، پاتريوت بولۋعا تاربيەلەۋ. بايقاۋعا قاتىسۋشىلاردىڭ جاسى 14-29 ارالىعىندا بولدى. التى نوميناتسيادان تۇراتىن بايقاۋ قاراشا ايىندا قورىتىندىلاندى. الەۋمەتتىك جەلىلەردە جەڭىمپازداردىڭ اتى-جوندەرى جاريالاندى. تۋعان جەرگە ءوز تالانتىمەن ۇلەس قوسىپ جۇرگەن جاستاردى ساحنا تورىندە ماراپاتتاپ، سىياقى بەرۋ ءراسىمى قاراشا ايىنىڭ 25-نە بۇيىردى. ماراپاتتاۋ كەشى الماتى قالاسىنداعى مەملەكەتتىك قۋىرشاق تەاترىندا ءوتتى.

كەش قوناقتارى ءداستۇرلى ءانشى، ونەرتانۋشى ەرلان تولەۋتاي، قازاقستان جازۋشىلار وداعىنىڭ مۇشەسى، مەملەكەتتىك «دارىن» جاستار سىيلىعىنىڭ جانە «التىن قالام» قوعامدىق سىيلىعىنىڭ يەگەرى، اقىن اقبەرەن ەلگەزەك، قوعام قايراتكەرى گۇلباحرام ءجۇنىس، رەجيسسەر-ستسەناريست داۋرەن داريابەك، ونەرتاپقىش جانىبەك كوركەمباي، سۋرەتشى، قولونەرشى الماس سەرىكۇلى. سونىمەن قاتار قۇرمانعازى اتىنداعى ۇلتتىق كونسەرۆاتوريا تۇلەكتەرى جەڭىمپازدارعا قولداۋ ءبىلدىرىپ كەلدى.

«ۇزدىك ماقالا»، «ۇزدىك پوەزيا»، «ۇزدىك بەينەروليك»، «ۇزدىك ونەرتابىس»، «ۇزدىك بەينەلەۋ ونەرى»، «ۇزدىك ءداستۇرلى مۋزىكا ورىنداۋشىسى» نوميناتسياسى بويىنشا ءى، ءىىى، ءىىى ورىن العان جەڭىمپازدارىمىز ارنايى سەرتيفيكاتپەن ماراپاتتالدى. اتالعان نوميناتسيالارعا يە بولعان قاتىسۋشىلارىمىزعا سىيلىقتار بەرىلىپ، بەلسەندى شاكىرت دايىنداعان ۇستازدار دا ماراپاتقا يە بولدى.

فەستيۆال كەزىندە جان-جاقتان جينالعان جەڭىمپازدار ءوز ونەرلەرىن كورسەتىپ، تۋىندىلارىن جۇرتشىلىققا تانىستىردى. ءىس-شارامىزدىڭ سوڭىندا «ادىرنا» ۇلتتىق-ەتنوگرافيالىق بىرلەستىگىنىڭ باسشىسى ارمان سەرىكۇلى جەڭىمپازداردى تاعى دا جەڭىستەرىمەن قۇتتىقتاپ، قولداۋ كورسەتە كەلگەن كورەرمەندەرگە العىسىن ءبىلدىردى. ونەرلى جاستارىمىز دا ريزاشىلىقتارىن ايتىپ، كەزدەسۋ سوڭى جاقىن تانىستىققا ۇلاستى. كوپ ىشىنەن توپ جارا شىققان جەڭىمپازداردى تاعى دا شىن جۇرەكتەن قۇتتىقتايمىز!

Abai.kz