بىرنەشە كۇن بۇرىن ءازىربايجان پارلامەنتى ەلدە مەرزىمىنەن بۇرىن سايلاۋ وتكىزۋ ءۇشىن ءوزىن-ءوزى تاراتۋ ۇسىنىسىمەن اليەۆكە قايىرىلعان. جەتەكشى «جاڭا ءازىربايجان» پارتياسى مۇنى بيلىكتەگى «كادرلىق وزگەرىستەردى حالىقتىڭ وڭ قابىلداۋىمەن» ءتۇسىندىرىپ، پارلامەنت تە «قايتا جاڭارۋى» ءتيىس دەپ مالىمدەگەن.

ەلدەگى «دەموكراتيالىق كۇشتەردىڭ ۇلتتىق كەڭەسى» وپپوزيتسيالىق پارتياسى كەزەكتەن تىس پارلامەنت سايلاۋىن وتكىزۋگە قارسى شىققان. وپپوزيتسيالىق كۇشتەر بۇل قادام اليەۆ وتباسىنىڭ بيلىگىن نىعايتۋ ءۇشىن جاسالعان دەپ سانايدى.

2019 جىلدىڭ قازان ايىندا ءازىربايجاننىڭ پرەمەر-ءمينيسترى نوۆرۋز مامەدوۆ وتستاۆكاعا كەتىپ، ورنىنا الي اسادوۆ تاعايىندالعان. اسادوۆ بۇعان دەيىن يلحام اليەۆتىڭ ەكونوميكالىق ماسەلەلەر جونىندەگى كومەكشىسى قىزمەتىن اتقارعان. بيلىك ۇكىمەت باسشىسىنىڭ «رەفورما» اياسىندا اۋىسقانىن مالىمدەگەن. كەيىن پرەزيدەنت اكىمشىلىگىندە دە اۋىس-تۇيىستەر بولعان. كەيبىر بولىمدەر جابىلىپ، قالعاندارىندا قىسقارتۋلار ءجۇرىپ، جەتەكشىلەرى اۋىسقان.

Abai.kz