قازاقستاننىڭ تاماق ونەركاسىبى كوشباسشىلارىنىڭ ءبىرى، تانىمال «3 جەلانيا»، «شەدەۆر» جانە «زلاتىە گورى» برەندتەرىنىڭ ءونىمىن ءوندىرۋشى – Eurasian Foods Corporation (EFC) حولدينگى «مەرەكەلىك پروۆانسال» اتتى بيە سۇتىمەن العاشقى قازاقستاندىق مايونەزىن شىعاردى.

ازىق-تۇلىك نارىعىنداعى سۇرانىستى ەداۋىر دارەجەدە قالىپتاستىراتىن تۇتىنۋشىلاردىڭ تالعامى سوڭعى جىلدارى تابيعي ازىق-تۇلىككە قاراي بەت الدى، ال قازاقستاندا بيە ءسۇتىنىڭ باي ءدامى مەن پايدالى قاسيەتتەرى ەجەلدەن بەرى باعالانعان. بيە سۇتىندە ادام اعزاسىنا قاجەتتى 40-قا جۋىق بيولوگيالىق كومپونەنتتەر بار ەكەنى بۇرىننان بەلگىلى. ءداستۇرلى قازاق ۇلتتىق ونىمدەرى، ونىڭ ىشىندە ەرەكشە قازىرگى زامانعى فورماتتا شىعارىلعان ونىمدەر بۇگىندە تانىمالدىق شىڭىندا ەكەنىن نازارعا الا وتىرىپ، Eurasian Foods Corporation تەحنولوگتارى بيە ءسۇتى قوسىلعان مايونەزبەن تۇتىنۋشىلاردى تاڭ قالدىرۋدى شەشتى. Eurasian Foods Corporation يننوۆاتسيالىق تەحنولوگيالىق زەرتحاناسىنىڭ باستىعى رۋسلان شىلدەباەۆتىڭ ايتۋىنشا، قازاق ۇلتتىق اس ءۇيىنىڭ داستۇرلەرىن اسپەتتەيتىن بىرەگەي مايونەزدى جاساۋدىڭ شىعارماشىلىق پروتسەسى ءبىر جىلعا جۋىق ۋاقىتتى العان.

- «3 جەلانيا» برەندى مايونەزدەرى قۇرامىندا تابيعي ءسۇتتىڭ بار بولۋىمەن ءاردايىم ەرەكشەلەندى. مايونەزدەگى ءسۇت وتە ماڭىزدى ينگرەديەنت، كەڭەس داۋىرىندە وسى كومپونەنت كىرەتىن پروۆانسال رەتسەپتۋراسى ازىرلەندى. بۇل قادام ءونىمنىڭ بيولوگيالىق قۇندىلىعىن ارتتىرۋ ماقساتىندا جاسالدى. سونىمەن قاتار، ءسۇت «3 جەلانيا» مايونەزىنىڭ دامدىك ساپاسىن جاقسارتادى، ونى جۇمساق جانە تولىققاندى ەتەدى. «مەرەكەلىك پروۆانسالدەگى» بيە ءسۇتى باسقا تابيعي ينگرەديەنتتەرمەن – جۇمىرتقا سارىسى مەن كۇنباعىس مايىمەن كەرەمەت ۇيلەسەدى. ءبىزدىڭ جاڭا ءونىمىمىز سالاتتارعا قوسۋ ءۇشىن، ءبىرىنشى جانە ەكىنشى تاعامدارعا دامدەۋىش رەتىندە تاماشا كەلەدى، - دەپ اتاپ ءوتتى رۋسلان شىلدەباەۆ.

بىرەگەي وندىرىستىك تەحنولوگيانىڭ ارقاسىندا جاڭا ونىمدە بارلىق پايدالى ينگرەديەنتتەر ساقتالعان. مايونەز كومپانيانىڭ كاسىپورىندارىندا ءداستۇرلى «ىستىق» تاسىلمەن وندىرىلەدى، ونىڭ نەگىزىندە پاستەرلەۋ پروتسەسى جاتىر. 

- مۇنداي تەحنولوگيا كوپتەگەن باسەكەلەستەردىڭ پايدالانۋىمەن سالىستىرعاندا ءوندىرىستىڭ نەعۇرلىم ۇزاق، ءارى شىعىندى پروتسەسىن قامتيدى، ءبىز مۇنى ۇنەمدەۋدىڭ جولى دەپ ەسەپتەمەيمىز. ءبىز ساپا داستۇرلەرىن ۇستانامىز جانە مايونەزدەردى كلاسسيكالىق «ىستىق تاسىلمەن» وندىرەتىنىمىزدى ماقتان تۇتامىز» - دەپ پىكىرىن ءبىلدىردى Eurasian Foods Corporation اق باس تەحنولوگى مارينا پاك.

كاسىپورىننىڭ دامۋ ستراتەگياسىنا سايكەس، الماتى زاۋىتى بۇگىندە مايونەز، كەتچۋپ، تۇزدىقتار، دامدەۋىشتەر مەن كۇنباعىس مايىن شىعارۋعا ماماندانعان. نارىقتىڭ قاجەتتىلىگىن قاناعاتتاندىرۋ جانە دايىن ءونىم شىعارۋ كولەمىن ۇلعايتۋ ءۇشىن تەحنولوگيالىق جانە قوسالقى جابدىقتاردى جاڭعىرتۋ مەن جاڭارتۋ جانە جاڭا تەحنولوگيالاردى ەنگىزۋ تۇراقتى تۇردە جۇزەگە اسىرىلادى. سوڭعى ون جىلدا ءوندىرىستى دامىتۋعا ينۆەستيتسيا كولەمى $80,5 ملن-نان استى. بۇگىن 3 000-عا جۋىق ادامدى جۇمىس ورىندارىمەن قامتاماسىز ەتەتىن حولدينگ قۇرامىنا سالانىڭ ەكى ءىرى كاسىپورنى – الماتىداعى Eurasian Foods Corporation اق جانە قاراعاندىداعى Eurasian Foods اق زاۋىتتارى كىرەدى. 2018 جىلدىڭ قورىتىندىسى بويىنشا حولدينگ شىعاراتىن ءونىم كولەمى 140 000 توننادان استى.

الماتى كاسىپورنىنداعى بارلىق وندىرىستىك پروتسەستەر اۆتوماتتاندىرىلدى. وسىمدىك مايىن قۇيۋ اۆستريالىق ءوندىرىس جەلىسىندە، مايونەز، كەتچۋپ جانە تۇزدىقتار دايىنداۋ – شۆەيتساريادان جاسالعان جابدىقتاردا جۇزەگە اسىرىلادى. بۇگىنگى تاڭدا نارىقتا ەڭ زاماناۋي وراۋ جەلىلەرىن ورناتۋدىڭ ارقاسىندا ءونىمنىڭ بىرنەشە فورماتتارى ۇسىنىلعان، ولاردىڭ ارقايسىسى ابسوليۋتتىك ميكروبيولوگيالىق تازالىققا كەپىلدىك بەرەدى جانە كونسەرۆانتتاردى پايدالانباي ۇزاق مەرزىمدى ساقتاۋدى قامتاماسىز ەتەدى. كاسىپورىندا اتتەستاتسيالانعان فيزيكا-حيميالىق جانە ميكروبيولوگيالىق زەرتحانالار جۇمىس ىستەيدى، ولار بارلىق كەلىپ تۇسەتىن شيكىزاتقا جانە شىعارىلاتىن دايىن ونىمگە وتپەلى تەكسەرۋ جۇرگىزەدى. وسىلايشا، ءونىمنىڭ قاۋىپسىزدىگى بارلىق وندىرىستىك تسيكل بويى قامتاماسىز ەتىلەدى.

Eurasian Foods Corporation ءونىمىنىڭ جوعارى ساپاسى مەن تاماشا ءدامىن تەك قازاقستاندىق تۇتىنۋشىلار عانا باعالاپ قويعان جوق. كوپ جىلدار بويى كاسىپورىن الىس جانە جاقىن شەتەل ەلدەرىنىڭ نارىقتارىنا – رەسەيگە، قىتايعا، قىرعىزستانعا، وزبەكستانعا، تاجىكستانعا، تۇركمەنستان، اۋعانستانعا، گرۋزياعا، ارمەنياعا، ءازىربايجان مەن موڭعولياعا ءونىمدى جەتكىزۋدى جۇزەگە اسىرادى. 2018 جىلى حولدينگ 19 مىڭ توننا ءونىمدى ەكسپورتتادى نەمەسە ول جالپى ءوندىرىس كولەمىنىڭ 13%. سوڭعى بەس جىلدا ەكسپورت كولەمى 56%-عا ءوستى. Astana Agro-2018 فورۋمىنىڭ قورىتىندىسى بويىنشا Eurasian Foods Corporation حولدينگى قازاقستاندا ءونىم ەكسپورتىنىڭ كوشباسشىسى بولىپ تانىلدى.

Eurasian Foods Corporation اق باسقارما توراعاسىنىڭ ورىنباسارى يۆان كولەسنيكوۆ حابارلاعانداي، الماتى قالاسىنداعى كاسىپورىننىڭ وندىرىستىك قۋاتى جىلىنا 90 مىڭ توننانى قۇرايدى، ونىڭ ىشىندە سوۋس توبى بويىنشا – 65 مىڭ توننادان استام.

- 2019 جىلدىڭ جازىندا حولدينگ قۇرامىنا پەتروپاۆل ءسۇت زاۋىتى – «مولوچنىي سويۋز» جشس كىردى. كاسىپورىن 1929 جىلى قۇرىلدى. «ءسۇت وداعىمەن» شىعارىلاتىن ءونىم تەك سولتۇستىك قازاقستاندا عانا ەمەس، ودان تىس جەرلەردە دە تانىمال. قازىرگى ۋاقىتتا كاسىپورىندى اۋقىمدى جاڭعىرتۋ جانە ىرىمشىك سۇرىپتالىمىن كەڭەيتۋگە باسا نازار اۋدارا وتىرىپ، ءسۇت ونىمدەرىنىڭ سۇرىپتالىمىن جاڭارتۋ جوسپارلانۋدا، - دەپ مالىمدەدى يۆان كولەسنيكوۆ.

Eurasian Foods Corporation تۇتىنۋشىلاردىڭ قالاۋىنا سايكەس ءونىمنىڭ سۇرىپتالىمىن ۇنەمى كەڭەيتەدى جانە جەتىلدىرەدى. كومپانيا قورجىنىندا 200-دەن استام ءونىم ءتۇرى –مايونەز، كەتچۋپتار، تۇزدىقتار، دامدەۋىشتەر، سارى ماي جانە وسىمدىك مايلارى، مارگاريندەر، دامدەۋىشتەر، كونديتەرلىك سالمالار بار. كومپانيانىڭ ماقساتى ءونىمنىڭ جوعارى ساپاسىن جانە ونى ءوندىرۋ قاۋىپسىزدىگىن قامتاماسىز ەتۋ بولىپ تابىلادى. حولدينگ كاسىپورىندارىندا بىرقاتار حالىقارالىق ستاندارتتار بويىنشا سەرتيفيكاتتالعان مەنەدجمەنت جۇيەسى ەنگىزىلدى.

Abai.kz