بۇل تۋرالى 19 جەلتوقساندا قىرعىزستان مەن قازاقستان دەپۋتاتتار توبىنىڭ كەزدەسۋىندە بەلگىلى بولدى. پارلامەنت ءماجىلىسىنىڭ توراعا ورىنباسارى ۆلاديمير بوجكو جاڭا جىلدان باستاپ "قورداي" بەكەتىن جوندەۋ جۇمىستارى باستالادى دەدى.
"اق جول" - "قورداي" بەكەتتەرىنەن كۇنىنە 10 مىڭعا جۋىق ادام وتەدى. جوندەۋ جۇمىستارىنىڭ قاشان اياقتالاتىنى بەلگىسىز.
قازاقستاننىڭ رەسمي مالىمەتى بويىنشا ەكى ەل ورتاسىندا 11 كولىك وتكىزۋ بەكەتى بار. ولاردىڭ بەسەۋى كوپتاراپتى، التاۋى ەكىتاراپتى.
قازىر ىستەپ جاتقان وتكىزۋ بەكەتتەردەن جىلىنا 11 ملن ادام، 465 مىڭعا جۋىق كولىك وتەدى.
Abai.kz
