مەملەكەت باسشىسى رەسەي فەدەراتسياسىنىڭ قازاقستانداعى ەلشىسى الەكسەي بوروداۆكيندى قابىلدادى.

كەزدەسۋ بارىسىندا قازاقستان مەن رەسەيدىڭ ستراتەگيالىق سەرىكتەستىگىنىڭ قازىرگى احۋالى مەن دامۋ پەرسپەكتيۆالارى تالقىلاندى.

قاسىم-جومارت توقاەۆ ەكىجاقتى قاتىناستاردىڭ دامۋ قارقىنىنا وڭ باعا بەرىپ، ىقپالداستىقتىڭ بارلىق باعىتى بويىنشا، اتاپ ايتقاندا، ساۋدا-ەكونوميكا، ينۆەستيتسيا، ونەركاسىپ جانە مادەني-گۋمانيتارلىق سالالارىندا ىلگەرىلەۋ بايقالاتىنىن اتاپ ءوتتى.

الەكسەي بوروداۆكين جوعارى دەڭگەيدە قول جەتكىزىلگەن ۋاعدالاستىقتاردىڭ ورىندالۋ بارىسى، سونداي-اق، ەلشىلىكتىڭ ەكى مەملەكەت اراسىنداعى ىنتىماقتاستىقتى نىعايتۋ باعىتىندا اتقارىپ جاتقان قىزمەتى تۋرالى مالىمەت بەردى.

Abai.kz