قازاقستان ازاماتتىعى بار ۇيعىر كاسىپكەرى جانە ونىڭ وتباسى ايەركەن سايمايتيدەن العان ونداعان ميلليون دوللارعا جىلجىمايتىن مۇلىك ساتىپ العان. سايمايتي قىرعىزستاننان كۋرەرلەردىڭ كومەگىمەن اقشا الىپ شىققانىن ءوز ەركىمەن مويىنداعان. وتكەن ايدا ونى ستامبۋلدا اتىپ كەتتى.
ابدىقادىر جايلى اقپارات 23 جەلتوقساندا ءىرى زەرتتەۋدىڭ كەزەكتى بولىگى جاريالانعاننان كەيىن بەلگىلى بولدى. زەرتتەۋ قارجىلىق قۇجاتتار مەن ءسايمايتيدىڭ 10 قاراشادا ءوزىن اتىپ كەتكەنگە دەيىن بەرگەن سۇحباتىنا نەگىزدەلگەن.
بۇعان دەيىن جاريالانعان زەرتتەۋدىڭ العاشقى بولىگىندە ءسايمايتيدىڭ ابدىقادىردىڭ وتباسىنا استىرتىن اقشا جىبەرگەنى، سونىمەن بىرگە زاڭسىز كەدەن سحەمالارى، قىرعىزستاننان ءىرى كولەمدە اقشا شىعارۋ جولدارى تۋرالى ايتىلعان ەدى. زەرتتەۋ جاريالانعاننان كەيىن قىرعىزستاندا جەمقورلىققا قارسى نارازىلىق شارالارى ءوتتى.
جەر رەەسترى مەن كورپوراتيۆتىك دەرەكتەردەن الىنعان اقپارات جۋرناليستەرگە "ابدىقادىرعا تيەسىلى" دەلىنگەن 20 نىساندى انىقتاۋعا مۇمكىندىك بەرگەن. سوڭعى سەگىز جىلدا ساتىپ الىنعان نىساندار گەرمانيا، ۇلىبريتانيا، اقش جانە بىرىككەن اراب امىرلىكتەرىندە ورنالاسقان.
حابيبۋلا ابدىقادىر مەن ونىڭ ارىپتەستەرى جۋرناليستەردىڭ سۇراقتارىنا جاۋاپ بەرمەدى.
Abai.kz
