جۇما, 29 ناۋرىز 2024
3826 15 پىكىر 10 قاڭتار, 2020 ساعات 13:14

ەستونيا پرەزيدەنتى رەسەي ەلشىلىگى سىيلاعان قىرىم شارابىن قابىلدامادى

ەستونيا پرەزيدەنتى كەرستي كاليۋلايد رەسەي ەلشىلىگىنىڭ سىيلىعى - اننەكسيالانعان قىرىمدا وندىرىلگەن شاراپتى قابىلدامادى. بۇل تۋرالى ەستون ءباسپاسوزى حابارلادى.

Eesti Ekspress مالىمەتى بويىنشا، رەسەي ەلشىلى كاليۋلايدتىڭ ەلۋ جاسقا تولۋىنا وراي گۇل، شوكولاد جانە شاراپ جىبەرگەن. ەستون پرەزيدەنتىنىڭ كەڭسەسى شاراپتى ديپلوماتيالىق قىزمەتكە قايتاردى.

بۇل اقپاراتتى رەسمي بيلىك راستامادى. رەسەي ەلشىلىگى اقپارات قۇرالدارىنىڭ مالىمەتىنە قاتىستى پىكىر بىلدىرمەدى.

باتىستىڭ باسقا دا ەلدەرى سەكىلدى، ەستونيا اننەكسيالانعان قىرىمنىڭ رەسەيگە قوسىلعانىن مويىندامايدى. كاليۋلايد ماسكەۋدە ۋكراينانىڭ شىعىسىنداعى جىكشىلدەردى قولداعانى ءۇشىن تالاي رەت سىناعان.

رەسەي قىرىمدى 2014 جىلعى رەفەرەندۋم ناتيجەسىندە اننەكسيالادى. رەفەرەندۋم ۋكراينا زاڭدارىنا قايشى بولدى. قىرىمدى رەسەي اسكەرى باقىلاۋعا الدى. اقش پەن باتىس ەلدەرى حالىقارالىق زاڭ بۇزىلدى دەپ ەسەپتەيدى. اننەكسيا ءۇشىن ماسكەۋگە سانكتسيالار ەنگىزىلدى. رەسەي تۇبەكتى قوسىپ الۋىنا "تاريحي ادىلدىكتىڭ ۇستەمدىك قۇرۋى" دەپ سانايدى.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564