پومپەو قازاقستانعا 1 اقپاندا كەلىپ، پرەزيدەنت قاسىم-جومارت توقاەۆپەن، ەكس-پرەزيدەنت نۇرسۇلتان نازارباەۆپەن جانە سىرتقى ىستەر ءمينيسترى مۇحتار تىلەۋبەردىمەن كەزدەسەدى. ساپار بارىسىندا پومپەو "ورتالىق ازيانىڭ قاۋىپسىزدىك پەن دامۋعا، بەيبىتشىلىككە ۇمتىلاتىنىنا كوز جەتكىزگىسى كەلەدى".

2–3 اقپاندا تاشكەنتتە پومپەو وزبەكستان پرەزيدەنتى شاۆكات ميرزياەۆپەن، سىرتقى ىستەر ءمينيسترى ءابدۋلازىز كاميلوۆپەن كەزدەسەدى. ول "اقش-تىڭ وزبەكستانداعى رەفورمالاردى، ەل ەگەمەندىگىن، تاۋەلسىزدىگىن جانە اۋماقتىق بىرتۇتاستىعىن قولدايتىندىعىن" جەتكىزەدى.

تاشكەنتتە پومپەو قازاقستاننىڭ، قىرعىزستاننىڭ، تاجىكستاننىڭ، تۇركىمەنستاننىڭ جانە وزبەكستاننىڭ سىرتقى ىستەر مينيسترلەرىمەن كەزدەسەدى. بۇل جۇزدەسۋدە پومپەو ۆاشينگتوننىڭ "س5+1" فورماتى اياسىندا ورتالىق ازيانىڭ دامۋىن قولدايتىنىن بىلدىرەدى.

پومپەو بۇل ەلدەرگە قاڭتاردىڭ باسىندا بارۋى كەرەك بولعان، بىراق سول كەزدە تاياۋ شىعىستاعى جاعدايدىڭ شيەلەنىسۋىنە بايلانىستى ونىڭ ساپارى اقپان ايىنا شەگەرىلگەن.

Abai.kz