جەمقورلىقپەن كۇرەس اتاۋلى سىرتتاي قاراعاندا، كەرەمەت قارقىندى ءجۇرىپ جاتقان سەكىلدى كورىنەدى. اكىم دە، پروكۋرور دا، پوليتسەي دە ءبارى “پارا الىپ جاتىپ” ۇستالا قالادى. جەمقورلىقپەن كۇرەس اگەنتتىگىنىڭ مىقتىلىعىنا قايران قالا جازدايسىڭ. تاماشا جۇمىس ىستەپ جاتقانداي-اق، تاڭداي قاقتىرادى. بىراق، ءبارى بولماسا دا، ءىشىنارا ارانداتۋشىلىق تا قىلاڭ بەرىپ قالاتىن سەكىلدى. ايتەۋىر، قالاي دا ءبىر جەمقوردى تاۋىپ قۇرىقتاۋ كەرەك دەگەن ناۋقانشىلىقتىڭ قۇربانى بولىپ كەتەتىندەر دە قوساق اراسىندا بوس كەتىپ، جازىقسىز جاپا شەگىپ جاتقان جوق پا ەكەن دەگەن دە كۇمان بار. 

بۇل تۋرالى بيىك مىنبەردەن دە ايتىلىپ جاتادى ەكەن. مىسالى، قر سەنات ءتورايىمى داريعا نازارباەۆا: "ۆ ەتوي سۆيازي سەناتۋ پري پرينياتي زاكونوۆ نەوبحوديمو وبەسپەچيت رەشەنيە سلەدۋيۋششيح ۆوپروسوۆ. پوۆىشەنيە گارانتي زاششيتى پراۆ گراجدان. دولجنا بىت ۋسيلەنا وتۆەتستۆەننوست سوترۋدنيكوۆ پراۆووحرانيتەلنىح ورگانوۆ يلي سپەتسيالنىح گوسۋدارستۆەننىح ورگانوۆ زا پروۆوكاتسيوننىە دەيستۆيا، (دولجەن بىت. - پريم.) ۋستانوۆلەن زاپرەت نا پريۆلەچەنيە ك ۋگولوۆنوي وتۆەتستۆەننوستي ي وسۋجدەنيە تولكو ليش نا وسنوۆە سۆيدەتەلسكيح پوكازاني ي نەپودتۆەرجدەننىح دوستاتوچنوي سوۆوكۋپنوستيۋ دوستوۆەرنىح دوكازاتەلستۆ. ۆۆەدەنيە ادمينيستراتيۆنوي يۋستيتسي، وبەسپەچەنيە تولكوۆانيا ۆسەح پروتيۆورەچي ۆ زاكونوداتەلستۆە ۆ پولزۋ گراجدان ي بيزنەسا، سوزدانيە دليا نيح راۆنىح ۋسلوۆي ۆو ۆزايمووتنوشەنياح س گوسۋدارستۆەننىمي ورگانامي. راسشيرەنيە ساموستوياتەلنوستي ي وتۆەتستۆەننوستي رايوننىح، گورودسكيح ي سەلسكيح ۋروۆنەي ۆلاستي پري رەشەني سوتسيالنو-ەكونوميچەسكيح زاداچ مەستنوگو زناچەنيا", - دەيدى.  

راسىندا، وتكەن جىلدىڭ اياعىندا ءدال وسىنداي جاعدايدىڭ قوعام ومىرىندە بار ەكەندىگىن ءوزىم قاتىسقان ءبىر سوت پروتسەسىندە كوزبەن كوردىم. اقمولا وبلىسى قورعالجىن اۋدانىنىڭ پروكۋرورى بولعان “بولاشاق” باعدارلاماسىمەن شەتەلدە ءبىلىم العان زاڭگەر دۋلات ورازالىۇلى وماردىڭ سوتىنا قاتىستىم.  نۇر-سۇلتان قالاسى بايقوڭىر اۋداندىق سوتىندا ك. يماشەۆتىڭ توراعالىعىمەن وتكەن سوتتا كوپتەگەن دەرەك-دايەكتەردىڭ شيكىلىگىنە قاراماستان سۋديا ونى 4 جىلعا باس بوستاندىعىنان ايىردى. قورعالجىن اۋداندىق پروكۋراتۋرادا باسشىلىق ەتىپ جۇرگەن دۋلات وماردى پارا الدى دەگەن كۇدىكپەن ءىستى ەتۋ ءۇشىن سىبايلاس جەمقورلىقپەن كۇرەس قىزمەتىنىڭ ۇيىمداستىرعان وپەراتسياسىنىڭ ءوزى قىلمىسكەردى قۇرىقتاۋدان گورى كىناسىز جاندى قالاي دا ارانداتىپ، تەك ورعا جىعۋدى عانا كوزدەگەندەي سيپاتتا جۇزەگە اسىرىلعانى كورىنىپ تۇردى. وعان دۋلات وماردىڭ ەكى بىردەي قورعاۋشىسى م.مۇتاليەۆ پەن س.ومىرقۇلوۆ تا جەتكىلىكتى دالەلدەمەلەر ۇسىندى. قانشاما ۇسىنىستار جاسادى. سوت جينالىسى بارىسىندا وعان توراعالىق ەتۋشى سۋديا بارلىق ۋاجدەرگە قۇلاق اسىپ وتىرعانداي كورىنگەن. الايدا، جەمە-جەمگە كەلگەندە مەملەكەتتىك ايىپتاۋشىنىڭ ىعىنا جىعىلا سالعانداي اسەر قالدىردى.  

دۋلات ومار

ادۆوكاتتار اتاپ كورسەتكەندەي، “دالەلدەردى بۇرمالاۋ، قىزمەتتىك جالعان  قۇجات جاساۋ، زاتتىق ايعاقتاردى جويۋ، پارا الدى دەپ  ارانداتۋ، پروتسەسسۋالدىق ءتارتىپ بۇزۋشىلىقتاردىڭ كوپتىگىن” جانە “شاعىمدانۋشى تاراپىنان جالعان كۋاگەرلىكتىڭ بولعانى ايقىن كورىنىپ تۇرعانىنا قاراماستان” سوت سىبايلاس جەمقورلىققا قارسى قىزمەتتىڭ قىلمىستىق ارەكەتىن بۇركەمەلەۋگە تىرىسقانداي-اق، دۋلات وماردى ءتورت جىلعا باس بوستاندىعىنان ايىرۋ جازاسىنا كەسۋدى سۇراعان مەملەكەتتىك ايىپتاۋشىنى جاقتاپ شىقتى.   

ەندىگى، كەزەكتە قالالىق سوت پەن جوعارعى سوت بۇل ىسكە قاتىستى اپپەلياتسيالىق ارىزدى قالاي قارايتىنى قىزىق بولىپ تۇر. اۋداندىق سوتتىڭ ىعىنا جىعىلا سالا ما، الدە، ءىستىڭ شيكىلىگىن انىقتاپ، ارانداتۋشىلىققا توسقاۋىل جاساي ما؟ ونى ۋاقىت كورسەتەر. 

قۋاندىق شاماحايۇلى

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. ەلەكتروندى پوچتامىزعا جۋرناليست قۋاندىق شاماحايۇلىنان كەلگەن ماقالانى جاريالاپ وتىرمىز. سپيكەردىڭ پىكىرى رەداكتسيا ۇستانىمىن بىلدىرمەيدى.

Abai.kz