2006 جىلى پرەزيدەنتىمىزدىڭ ءوزى بەكىتكەن پروتوكول بار: سول قۇجاتتا كىمدى قالاي كۇتىپ الۋ كەرەكتىگى، وعان كىمدەر قاتىساتىنى، قوناقتى قالاي شىعارىپ سالۋ كەرەكتىگى ۇساق-تۇيەگىنە دەيىن جان-جاقتى جازىلعان.

اقش-تىڭ مەمحاتشىسىن كۇتىپ الۋعا بارعانداردىڭ قالاي كيىنگەنىن ءبارى كوردى. ەشقانداي ەتيكا جوق، امەريكانىڭ مەملەكەتتىك حاتشىسى قايداعى ءبىر ارتتا قالعان مەشەۋ مەملەكەتكە كەلگەندەي اڭىراپ قالىپتى. ءبىزدىڭ اۋىلدا كوشەگە شىققانداردىڭ ءوزى ءبۇيتىپ كيىنبەيدى. رەسەيدەن بىرەۋ كەلسە شىتتاي كيىءنىپ بارادى دا، سوناۋ جەردەن كەلگەن قۇرمەتتى قوناقتى جاقسىلاپ كۇتىپ الۋعا جاراعان جوق.

اربىردەن كەيىن امەريكاڭ ىرگەڭدەگى قىتاي مەن رەسەيدىڭ ءوزىن ىقتىراتىن الىپ دەرجاۆا. بۇكىل رەسەيدىڭ بيۋدجەتى ءبىر نيۋ-يوركتىڭ بيۋدجەتىنە جەتپەيدى. امەريكانىڭ قانداي قۋاتتى ەل ەكەنىن ەندى ءوزىڭ ويلاپ قارا! بيىلعىسىن بىلمەيمىن، 2016 جىلى نيۋ-يوركتىڭ ىشكى جالپى ءونىمى 1 ترلن 275 ملرد 137 ملن دوللار بولسا، رەسەيدىڭ سول كەزدەگى بارلىق ىشكى جالپى ءونىمى 1 ترلن 283 ملرد دوللارعا ارەڭ جەتكەن بولاتىن.

توقاەۆ مىرزا ۇلكەن ديلومات رەتىندە پروتوكولعا قالاي بولسا سولاي قاراعان مينيسترگە سول ءۇشىن سوگىس بەرۋى كەرەك ەدى. ەشكىمنىڭ ەسكەرتپەگەنىنە قاراعاندا، بۇل دەگەنىڭ اتى دارداي مەكەمەدە ديپلوماتيانىڭ ءجون-جوسىعىن مۇلدەم بىلمەيتىن ساۋاتسىز كادرلار جۇمىس ىستەپ ءجۇر دەگەن ءسوز!

جولىمبەت ماكىشتىڭ الەۋمەتتىك جەلىدەگى جازباسىنان

Abai.kz