"قازاقستان كوپۆەكتورلى ساياسات ۇستانادى" دەگەن وتىرىككە سەندىك
ءبىر شىندىقتى مويىنداۋ كەرەك. وسى ۋاقىتقا دەيىن "قازاقستان كوپۆەكتورلى ساياسات ۇستانادى" دەگەندى وقىپ كەلدىك. وتىرىك بولسىن سوعان ىشتەي سەندىك، انىعى سەنگىمىز كەلدى.
بىراق ءبىز كوپۆەكتورلى ەل ەمەسپىز. اقيقاتى وسى. اششى، وتە اششى. بىراق شىندىق.
كوپۆەكتورلى ساياسات ۇستاناتىن ەلدە ءبىر ەلدىڭ التى بىردەي اسكەري بازاسى مەن سىناق پوليگوندارى بولمايدى. ەكونوميكالىق وداق دەگەن وتىرىك ۇيىمدا ءبىر عانا ەلدىڭ مۇددەسى قورعالىپ، وزگەلەرى ەزىلمەيدى. اسكەري ۇيىمدا ءبىر ەلگە جاۋتاڭداپ قاراپ وتىرمايدى. مۇنايدى كىمگە ساتامىن، گازدى كىمگە بەرەمىن، ۋراندى كىمگە ساۋدالايمىن دەپ سۇراپ وتىرمايدى.
ءبىز ەاەس، ودكب سىندى وداقتارعا كىرۋ ارقىلى ءوزىمىزدىڭ كوپۆەكتورلى ساياساتىمىزدى جەرلەپ تاستادىق-اۋ.
اسحات قاسەنعاليدىڭ الەۋمەتتىك جەلىدەگى جازباسىنان
Abai.kz
