ۇلتتىق كەڭەستىڭ كەلەسى تاقىرىبى قانداي بولۋى كەرەك؟
بىرىنشىدەن، سوڭعى وتىرىسىمىزدا ءبىز قىركۇيەك ايىندا ۇسىنعان، جانە پرەزيدەنت توقاەۆ جەلتوقساندا قابىلداپ جاريالاعان شەشىمدەرىن جۇزەگە اسىرۋ - ءبىرىنشى ماقساتىمىز. بىراق سول جۇمىستى، ياعني رەفورمانى، جالعاستىرۋىمىز كەرەك دەپ ويلايمىن.
ول ءۇشىن مەنىڭ ويىمشا بىرىنشىدەن سوت جۇيەسىن رەفورمالاۋ كەرەك. سوت جۇيەسى بۇگىنگى قالپىدا قالا بەرسە ءومىر جاقسارمايدى، قوعامدا ادىلەتتىك ورناتىلمايدى، ەكونوميكا دامىمايدى. البەتتە كۋيس، مۆد دا قوسۋ كەرەك.
بىراق مەنىڭ ارىپتەستەرىم الدىمەن ءبىلىم جانە دەنساۋلىق جۇيەسىن قاراستىرۋىمىز كەرەك دەپ ايتادى. ولاردىڭ دا سوزدەرىنىڭ جانى بار، ويتكەنى بۇل سالالار حالىق ءۇشىن وتە جاقىن يا ماڭىزدى.
بۇل جاعدايدا كومپروميسسكە كەلۋ كەرەك دەپ سانايمىن. الدىمەن ءبىر تاقىرىپتى، كەلەسى ەكىنشى تاقىرىپتى دايىنداپ پرەزيدەنتتىڭ الدىنا قويۋعا ءتيىسپىز.
بىراق قاي تاقىرىپتى تالقىعا ءبىرىنشى سالۋىمىز كەرەك دەپ ويلايسىزدار؟ بۇل جەردە سىزدەرمەن اقىلداسۋدى ءجون كوردىم. ءبىزدىڭ كەڭەس قوعاممەن اقىلداسا وتىرىپ جۇمىس ىستەۋ كەرەك دەپ سانايمىن. ەستيتىن مەملەكەت دەگەن وسى.
مۇحتار تايجاننىڭ الەۋمەتتىك جەلىدەگى جازباسىنان
Abai.kz
