جۇما, 29 ناۋرىز 2024
46 - ءسوز 3461 18 پىكىر 11 ناۋرىز, 2020 ساعات 11:39

دەموكراتيادان جۇرداي ەلدەردە تاۋەلسىز سوت، ادىلەتتى سايلاۋ بولمايدى

دەموكراتيالىق ەلدەردىڭ ەڭ ۇلكەن جەتىستىگى، ءتىپتى بارشا دامۋلارىنىڭ كىلتى بيلىككە وتىراتىن ادامعا ارى كەتسە ەكى سايلاۋعا تۇسۋگە، ياعني، سەگىز جىل عانا ەل باسقارۋعا مۇرسات بەرۋى. كىم بولسا دا سەگىز جىلدان ءبىر جىل دا ارتىق وتىرا المايدى. وسى قاعيدا اتا زاڭعا قازىقتاي قاعىلعان. ونى ەشقانداي جولمەن ەشكىم وزگەرتە المايدى. وسى زاڭنىڭ ناتيجەسىندە بيلىكتەگى ادام سەگىز جىلدان كەيىنگى ءومىرى ءۇشىن بارلىق ءىس-ارەكەتىن تەك زاڭ شەڭبەرىندە عانا جۇزەگە اسىرادى. 4 نە 8 جىلدان كەيىن بيلىكتەن كەتكەن كەزدە مەتروسىنا ءمىنىپ، ۋنيۆەرسيتەتىندە ساباعىن بەرىپ، حالىقتىڭ ورتاسىندا ەمىن-ەركىن جۇرە بەرەدى. ەلىن تاستاپ قاشۋعا ءماجبۇر بولمايدى.

ال دەموكراتيادان جۇرداي ەلدەردە بيلىكتەگى ادام كوپ وتىرعان سايىن زاڭسىزدىقتارعا بەلشەدەن باتىپ، ابدەن بىلعانادى. اينالاسى ءىرىپ-ءشىريدى. كوزىن شەل باسادى. زاڭدى بەلدەن باسىپ، ءتۇرلى قىلمىستارعا بارعان مۇنداي ادام بيلىكتەن كەتە المايتىن جاعدايعا جەتەدى. قازىنانى بىرگە توناعان اينالاسىنداعى وليگارحتار دا ونى بيلىكتە ۇستاپ تۇرۋعا ءماجبۇر بولادى. ناتيجەسىندە بيلىكتە مەيلىنشە كوپ وتىرۋدىڭ، بيلىكتى بارىنشا ۇزارتۋدىڭ ءتۇرلى ارەكەتىن جاسايدى. تاعى دا زاڭسىزدىقتارعا بارادى. باتقان سايىن باتا بەرەدى. اقىر سوڭىندا ءبارى قۇردىمعا كەتەدى.

اراب ەلدەرى مەن پوستكەڭەستىك مەملەكەتتەردىڭ كوپشىلىگى وسى تايعاناق جولدا ءجۇر. دامىماي كەرى كەتىپ جاتقاندىقتارى دا سوندىقتان. مۇنداي ەلدەردە تاۋەلسىز سوت، ادىلەتتى سايلاۋ، شىنايى ءسوز بوستاندىعى بولعان ەمەس، بولمايدى دا!

قايرات جولدىبايۇلىنىڭ الەۋمەتتىك جەلىدەگى جازباسى

Abai.kz

18 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541