«الماتى وبلىسى ىلە اۋدانىنداعى پوكروۆكا اۋىلىندا «گۋلجينابي» جەكەنمەنشىك كاسىپكەرلىك يەلىگىندەگى اۋلادان مينومەتتىڭ ءتورت ميناسى تابىلدى» دەپ حابارلادى توتەنشە جاعدايلار جونىندەگى مينسيترلىكتەن.

«الماتى وبلىسى ىلە اۋدانىنداعى پوكروۆكا اۋىلىندا «گۋلجينابي» جەكەنمەنشىك كاسىپكەرلىك يەلىگىندەگى اۋلادان مينومەتتىڭ ءتورت ميناسى تابىلدى» دەپ حابارلادى توتەنشە جاعدايلار جونىندەگى مينسيترلىكتەن.
تەمىر-تەرسەك جيناپ، كۇنىن كورىپ جۇرگەن جەكە كاسىپكەر اۋلاسىنا تەمىر سىنىقتارىن ءۇيىپ تاستاپتى. مينالاردىڭ قوراسىنا قالاي كىرىپ كەتكەنىن ءوزى دە بىلمەي قالعان بولۋى كەرەك. ايتپەسە باسى ەكەۋ ەمەس قوي، ءتورت بىردەي مينا تابانىنىڭ استىندا جارىلسا، كۇلى دە قالماس ەدى عوي. ميناعا ۇقساس زاتتار تابىلعاندىعى تۋرالى حاباردى قۇتقارۋ قىزمەتىنە ج.سابىروۆ دەگەن ادام حابارلاعان. ارنايى ماماندار كەلىپ، تەكسەرۋ بارىسىندا بۇل ناعىز سوعىس مينالارى ەكەندىگى انىقتالعان. توتەنشە جاعدايلار جونىندەگى مينيسترلىكتىڭ باسقارما باستىعى پولكوۆنيك كونستانتين ەۆتۋشەنكونىڭ ايتۋىنشا، تابىلعان زات «تيۋلپان» ماركالى 240 مم كاليبرلى فۋگاستىق تيپتەس، مينومەنتتىڭ ميناسى ەكەن. قورعانىس مينيسترلىگىنىڭ 61993 اسكەري بولىمىنەن كەلگەن ساپەرلەر مينالاردى ءارى-بەرى اينالدىرىپ كورىپ، تانىعان بولۋلارى كەرەك، وزدەرىمەن بىرگە الىپ كەتىپتى. قۇتقارۋ قىزمەتىنىڭ حابارلارىنا قاراعاندا، قالا كوشەلەرىمەن اياقتىڭ استىنا قاراماي، جايباراقات ءجۇرۋ قاۋىپتى. گراناتانى باسىپ كەتۋىڭىز مۇمكىن. جۇما كۇنى كەشكىسىن كىشى الماتى وزەنىنىڭ جاعالاۋىندا تازا اۋامەن تىنىستاپ جۇرگەن سول ماڭايدىڭ تۇرعىنى سوعىس كينولاردا كورسەتەتىن قول گراناتاسىن اياعىنىڭ استىنان تاۋىپ الىپتى. حابار تيىسىمەن جەدەل جەتكەن بوستاندىق اۋدانىنىڭ پوليتسەيلەرى «رگد-5 قول گراناتاسى» دەگەن انىقتاما جاساپ، كوزىن جويۋ ءۇشىن الىپ كەتىپتى.
قاراۋلارىنداعى قارۋلارىنا اسكەريلەر يە بولا الماي ما، جوق الدە، ارنايى بازارلاردا ساتىلا ما، كىم ءبىلسىن، ايتەۋىر بىزدە جارىلعىش زاتتار وتە كوپ كەزدەسەدى. گراناتا، ۇساق-تۇيەك مينالاردى بىلاي قويعاندا، تانك، زەڭبىرەك سناريادتارىنان باستاپ اۆياتسيا بومباسىنا دەيىن قازاقستاننىڭ كەڭ بايتاق جەرىنەن تاۋىپ الىپ، شەتەلگە ساتىپ جىبەرۋ مۇمكىنشىلىگى تەك ءبىزدىڭ ەلدىڭ كاسىپكەرلەرىندە عانا بار. سوندىقتان الماتى قالاسىندا اي سايىن قول گراناتاسى تابىلادى دەسە بولادى، وعان ەشكىم تاڭدانبايدى. يەسىز جاتقان وت قارۋلارى مەن جارىلعىش زاتتار ءار وبلىستان، ءار قالادان تابىلىپ جاتادى، بىراق ولاردىڭ قايدان شىعاتىنىن ەشكىم بىلمەيدى. ول ءۇشىن جاۋاپقا تارتىلىپ جاتقان دا ەشكىم جوق. جاقىندا عانا الپىس جاستاعى پاۆلودارلىق كاسىپكەر ءوز وفيسىندە وتىرىپ، اڭگىمەلەرى جاراسپاعاندىقتان، قوناقتارىن گراناتا جارىپ، قۋىپ شىقپاق بولعان. دەمەك، گراناتالار اركىمنىڭ قولىندا ءجۇر دەگەن ءسوز.

قايىرجان تورەجان
«ايقىن» گازەتى 23 ماۋسىم 2009 جىلى