اقتوبەنىڭ رەسمي بيلىگى وزبەكستان رەسپۋبليكاسىندا تۇتقىندا جاتقان اقتوبەلىكتەرگە قاتىستى وقيعانى نازاردا ۇستاپ وتىر. وسى ۋاقىتقا دەيىن وبلىس اكىمى ەلەۋسىن ساعىندىقوۆ نۇكىستەگى تەرگەۋ يزولياتورىنا تۇسكەن 27 ازاماتتىڭ تۋىستارىمەن بىرنەشە رەت كەزدەستى.

جەرلەستەرىمىز قاماۋعا الىنعان بويدا-اق وبلىس اكىمى دەرەۋ سىرتقى ىستەر مينيسترلىگىمەن حابارلاسىپ، ءمينيستردىڭ ورىنباسارىمەن دە كەزدەستى، وزبەكستانداعى قر ەلشىسى زاۋىتبەك تۇرىسبەكوۆپەن بايلانىس ورناتىپ، ادىلدىكتىڭ ساقتالۋىن قاداعالاۋ قاجەتتىگىن ايتتى.

اقتوبەنىڭ رەسمي بيلىگى وزبەكستان رەسپۋبليكاسىندا تۇتقىندا جاتقان اقتوبەلىكتەرگە قاتىستى وقيعانى نازاردا ۇستاپ وتىر. وسى ۋاقىتقا دەيىن وبلىس اكىمى ەلەۋسىن ساعىندىقوۆ نۇكىستەگى تەرگەۋ يزولياتورىنا تۇسكەن 27 ازاماتتىڭ تۋىستارىمەن بىرنەشە رەت كەزدەستى.

جەرلەستەرىمىز قاماۋعا الىنعان بويدا-اق وبلىس اكىمى دەرەۋ سىرتقى ىستەر مينيسترلىگىمەن حابارلاسىپ، ءمينيستردىڭ ورىنباسارىمەن دە كەزدەستى، وزبەكستانداعى قر ەلشىسى زاۋىتبەك تۇرىسبەكوۆپەن بايلانىس ورناتىپ، ادىلدىكتىڭ ساقتالۋىن قاداعالاۋ قاجەتتىگىن ايتتى.

بۇل ازاماتتاردىڭ بارلىعىنىڭ ارتىندا وتباسى، بالا-شاعاسى، اكە-شەشەسى بار. كوپشىلىگى بانكتەن نەسيە الىپتى. ءبىر سوزبەن ايتقاندا، وتىزعا جۋىق اقتوبەلىك وتباسى ايدىڭ كۇننىڭ امانىندا اسىراۋشىلارىنان تىرىدەي ايىرىلدى. قازىر ولاردىڭ بارلىعى ازاماتتارىنىڭ ۇيگە امان-ساۋ كەلۋىن دۇعاسىنا قوسىپ، قۋ جانىن شۇبەرەككە ءتۇيىپ وتىر. وسىنى ەسكەرگەن وبلىس اكىمدىگى تاراپىنان تۇتقىنداعى جىگىتتەردىڭ تۋىستارىنا مورالدىق جانە ماتەريالدىق كومەك كورسەتىلىپ كەلەدى. وبلىس اكىمى ەلەۋسىن ناۋرىزبايۇلى ولاردىڭ نەسيە تولەۋگە شاماسى جەتپەي وتىرعاندارىن ەسكەرىپ، بانك باسشىلارىن جينادى. قارجىگەرلەر جاعدايعا تۇسىنىستىكپەن قاراپ، تۇتقىنداعى بورىشكەرلەردىڭ نەسيە تولەۋ ۋاقىتىن كەيىنگە ىسىردى. دەمەۋشىلەر بىرنەشە وتباسىعا ماتەريالدىق كومەك كورسەتتى. الگىندەي حالگە ۇشىراعان وتباسىلارعا اكىمدىك تاراپىنان باسقا دا قارجىلاي كومەكتەر كورسەتىلدى، وزبەكستانعا بارىپ-كەلىپ جۇرگەن ىنتالى توپتىڭ قارجىلىق شىعىندارى تولەندى.

وبلىس اكىمىنىڭ ورىنباسارى سارا نۇرقاتوۆا كۇن سايىن ىنتالى توپپەن حابارلاسىپ، جىگىتتەرىمىزدىڭ جاعدايىن ءبىلىپ وتىرعاندىعىن ايتادى. نۇرقاتوۆانىڭ ايتۋىنشا، سوتتىڭ ۇكىمى شىقپايىنشا، قانداي دا ءبىر بايلام جاساۋ قيىن. ازىرگە ۇكىم جاريا ەتىلگەن جوق. جۇرت  دەمىن ىشىنە تارتىپ كۇتىپ وتىر.

جەرلەستەرىمىز باس بوستاندىعىنان ايىرىلسا، كەيىنىرەك ولاردى ەكستراديتسيالاۋ جونىندە ماسەلە كوتەرىلمەك. ەندىگى امال تەك وسى بولسا كەرەك.

مەيرامگۇل ساتاەۆا، اقتوبە قالاسى.