الماتى. 23 ماۋسىم. قازتاگ – ناتو-نىڭ اۋەبازاسى ورنالاسقان «ماناس» حالىقارالىق اۋەجايىنداعى ترانزيتتىك جۇك تاسىمالداۋ ورتالىعى اقش ءۇشىن جىلىنا $60 ملن-عا تۇسپەك، دەپ حابارلايدى «فەرعانا.رۋ» قىرعىزستان سىرتقى ىستەر ءمينيسترى قادىربەك سارباەۆقا سىلتەمەلەپ. 23 ماۋسىمدا قىرعىزستان پارلامەنتىنىڭ قورعانىس، قاۋىپسىزدىك، قۇقىقتىق ءتارتىپ جانە سوت-قۇقىقتىق رەفورما جونىندەگى كوميتەتىنىڭ وتىرىسىندا ق. سارباەۆ، اقش ۇشاقتارعا ارنالعان تۇراق پەن جۇكتەردى جينايتىن قويما قۇرىلىسىن $36,6 ملن-عا قارجىلاندىرادى دەپ حابارلادى. $30 ملن جاڭا ترانزيتتىك تاسىمالداۋ ورتالىعىنا قاجەت ورتالىق ءۇشىن اۆياناۆيگاتسيالىق جابدىقتار ساتىپ الۋعا بولىنەدى.

2009 جىلى قىرعىز-امەريكاندىق ەكونوميكالىق دامۋ قورىن قۇرۋ ءۇشىن قىرعىزستان $20 الادى. ودان وزگە، اقش رەسپۋبليكاعا ەسىرتكى ترافيگىمەن كۇرەسكە $21,5 ملن، جانە لاڭكەستىكپەن كۇرەسكە $10 ملن بولەدى. ونىڭ ايتۋىنشا، اقش-تىڭ قورعانىس مينيسترلىگى «ماناس» اۋەجايىنىڭ ماڭىنداعى جەرلەردى دە جالعا الادى. جەرلەردى جالعا بەرۋ مەن ۇشاقتارعا قىزمەت كورسەتۋدەن تاعى دا شامامەن 20 ملن دوللار تۇسەدى. 

سونىمەن قاتار مينيستر، «اۋەبازانىڭ اينالا كۇزەتىن قىرعىزستان قارۋلى كۇشتەرى ىسكە اسىراتىنىن» جەتكىزدى.

«كەلىسىمدە سونىمەن قاتار ورتالىقتىڭ قىزمەتكەرلەرىنىڭ مارتەبەسى جەكە قاراستىرىلعان.

الماتى. 23 ماۋسىم. قازتاگ – ناتو-نىڭ اۋەبازاسى ورنالاسقان «ماناس» حالىقارالىق اۋەجايىنداعى ترانزيتتىك جۇك تاسىمالداۋ ورتالىعى اقش ءۇشىن جىلىنا $60 ملن-عا تۇسپەك، دەپ حابارلايدى «فەرعانا.رۋ» قىرعىزستان سىرتقى ىستەر ءمينيسترى قادىربەك سارباەۆقا سىلتەمەلەپ. 23 ماۋسىمدا قىرعىزستان پارلامەنتىنىڭ قورعانىس، قاۋىپسىزدىك، قۇقىقتىق ءتارتىپ جانە سوت-قۇقىقتىق رەفورما جونىندەگى كوميتەتىنىڭ وتىرىسىندا ق. سارباەۆ، اقش ۇشاقتارعا ارنالعان تۇراق پەن جۇكتەردى جينايتىن قويما قۇرىلىسىن $36,6 ملن-عا قارجىلاندىرادى دەپ حابارلادى. $30 ملن جاڭا ترانزيتتىك تاسىمالداۋ ورتالىعىنا قاجەت ورتالىق ءۇشىن اۆياناۆيگاتسيالىق جابدىقتار ساتىپ الۋعا بولىنەدى.

2009 جىلى قىرعىز-امەريكاندىق ەكونوميكالىق دامۋ قورىن قۇرۋ ءۇشىن قىرعىزستان $20 الادى. ودان وزگە، اقش رەسپۋبليكاعا ەسىرتكى ترافيگىمەن كۇرەسكە $21,5 ملن، جانە لاڭكەستىكپەن كۇرەسكە $10 ملن بولەدى. ونىڭ ايتۋىنشا، اقش-تىڭ قورعانىس مينيسترلىگى «ماناس» اۋەجايىنىڭ ماڭىنداعى جەرلەردى دە جالعا الادى. جەرلەردى جالعا بەرۋ مەن ۇشاقتارعا قىزمەت كورسەتۋدەن تاعى دا شامامەن 20 ملن دوللار تۇسەدى. 

سونىمەن قاتار مينيستر، «اۋەبازانىڭ اينالا كۇزەتىن قىرعىزستان قارۋلى كۇشتەرى ىسكە اسىراتىنىن» جەتكىزدى.

«كەلىسىمدە سونىمەن قاتار ورتالىقتىڭ قىزمەتكەرلەرىنىڭ مارتەبەسى جەكە قاراستىرىلعان.

«اقش قورعانىس مينيسترلىگىنىڭ مارتەبەسى – اكىمشىل-تەحنيكالىق قىزمەتكەرلەر ءۇشىن – تەك قانا ولار قىزمەت بابى بويىنشا بولۋى ءتيىس نىساندار مەن ورىنداردا عانا بەرىلەدى»، - دەيدى مينيستر.

قىرعىزستاننىڭ قورعانىس، قاۋىپسىزدىك، قۇقىقتىق ءتارتىپ جانە سوت-قۇقىقتىق رەفورما جونىندەگى كوميتەتى اقش-تىڭ اۋعانستانداعى لاڭكەستىككە قارسى كۇشتەرىنىڭ ارەكەتىن قولداۋ ءۇشىن ترانزيتتىك ورتالىعىن قۇرۋ تۋرالى كەلىسىمدى ءبىر اۋىزدان قولدادى.

قىرعىزستاندا كواليتسيا كۇشتەرىنىڭ «ماناس» اۋە بازاسى  2001 جىلدىڭ جەلتوقسانىندا بۇۇ-نىڭ مانداتى بويىنشا اقش-تىڭ اۋعانستانداعى «مىزعىماس بوستاندىق» انتيتەررورلىق وپەراتسياسى شەڭبەرىندە اسكەري قيمىلداردى جانە گۋمانيتارلىق كومەكتى جۇزەگە اسىرۋ ءۇشىن اشىلدى.  قازىر «ماناس» اۋەبازاسىندا اقش-تىڭ جانە كواليتسيا ەلدەرىنىڭ ءبىر جارىم مىڭداي جاۋىنگەرى، سونداي-اق، اسكەري-كولىك ۇشاقتارى مەن وتىن قۇيۋشى ۇشاقتار ورنالاسقان.

بيىلعى جىلى كوكتەمدە قىرعىزستان پارلامەنتى ءوز اۋماعىندا اقش جانە انتيتەررورلىق كواليتسيانىڭ 11 ەلىنىڭ اسكەري كونتينگەنتتەرىن ورنالاستىرۋ تۋرالى اقش-پەن اراداعى كەلىسىمدى بۇزاتىنىن جاريالادى. اۋە بازاسىن جابۋعا التى اي بەرلىگەن بولاتىن. پارلامەنت شەشىمىنە سايكەس، «ماناس» اۋەبازاسىندا ورنالاسقان ەڭ سوڭعى شەت ەلدىك اسكەري، ەلدى 18-ءشى تامىزدا تاستاپ كەتۋى ءتيىس ەدى. كەلىسىمدى بۇزۋدىڭ الدىندا رەسەي قىرعىزستانعا 2 ميلليارد دوللار كولەمىندە نەسيە مەن 150 ملن دوللار قارجىلاي كومەك بەردى.