استانا. 24 ماۋسىم. قازتاگ – قر پارلامەنتىنىڭ ءماجىلىسى سارسەنبى كۇنى كەڭەيتىلگەن وتىرىسىندا «كەيبىر زاڭ اكتىلەرىنە ءولىم جازاسى ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىنا سەنات ۇسىنعان تۇزەتۋلەرمەن كەلىستى. وسىلايشا، قۇجات قابىلداندى دەپ ەسەپتەلەدى جانە مەملەكەت باسشىسى نۇرسۇلتان نازارباەۆقا قول قويۋ ءۇشىن جولدانادى.

تۇزەتۋلەرمەن ءولىم جازاسىن ەڭ جوعارعى جازا رەتىندە قولدانۋدىڭ اياسىن قىسقارتۋ قاراستىرىلىپ وتىر. وسىلايشا، ءولىم جازاسى بەلگىلەنۋى مۇمكىن قىلمىستاردىڭ سانى 18-دەن 8-گە دەيىن ازايدى.

سونىڭ ىشىندە، گەنوتسيد، جالدانۋشىلىق، مەملەكەتتى ساتۋ، رەسپۋبليكا پرەزيدەنتىنىڭ ومىرىنە قاستاندىق جاساۋ، ديۆەرسيا، تەرروريزم، سوعىستا تىيىم سالىنعان قۇرالدار مەن ادىستەردى پايدالانۋ، اگرەسسيۆتى سوعىستى جوسپارلاۋ، دايىنداۋ جانە جۇرگىزۋ ءۇشىن ەڭ جوعارعى جازانى بەلگىلەۋ ۇسىنىلىپ وتىر.

«جازالاۋدىڭ ايرىقشا ءتۇرىن قاراستىراتىن 10  جاعدايدا ءولىم جازاسىن الىپ تاستاپ، ونى ءومىر بويى باس بوستاندىعىنان ايىرۋ جازاسىنا اۋىستىرۋ ۇسىنىلادى»، - دەپ ءمالىم ەتكەن ەدى ادىلەت ۆيتسە-ءمينيسترى دۋلات قۇسداۋلەتوۆ.

استانا. 24 ماۋسىم. قازتاگ – قر پارلامەنتىنىڭ ءماجىلىسى سارسەنبى كۇنى كەڭەيتىلگەن وتىرىسىندا «كەيبىر زاڭ اكتىلەرىنە ءولىم جازاسى ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىنا سەنات ۇسىنعان تۇزەتۋلەرمەن كەلىستى. وسىلايشا، قۇجات قابىلداندى دەپ ەسەپتەلەدى جانە مەملەكەت باسشىسى نۇرسۇلتان نازارباەۆقا قول قويۋ ءۇشىن جولدانادى.

تۇزەتۋلەرمەن ءولىم جازاسىن ەڭ جوعارعى جازا رەتىندە قولدانۋدىڭ اياسىن قىسقارتۋ قاراستىرىلىپ وتىر. وسىلايشا، ءولىم جازاسى بەلگىلەنۋى مۇمكىن قىلمىستاردىڭ سانى 18-دەن 8-گە دەيىن ازايدى.

سونىڭ ىشىندە، گەنوتسيد، جالدانۋشىلىق، مەملەكەتتى ساتۋ، رەسپۋبليكا پرەزيدەنتىنىڭ ومىرىنە قاستاندىق جاساۋ، ديۆەرسيا، تەرروريزم، سوعىستا تىيىم سالىنعان قۇرالدار مەن ادىستەردى پايدالانۋ، اگرەسسيۆتى سوعىستى جوسپارلاۋ، دايىنداۋ جانە جۇرگىزۋ ءۇشىن ەڭ جوعارعى جازانى بەلگىلەۋ ۇسىنىلىپ وتىر.

«جازالاۋدىڭ ايرىقشا ءتۇرىن قاراستىراتىن 10  جاعدايدا ءولىم جازاسىن الىپ تاستاپ، ونى ءومىر بويى باس بوستاندىعىنان ايىرۋ جازاسىنا اۋىستىرۋ ۇسىنىلادى»، - دەپ ءمالىم ەتكەن ەدى ادىلەت ۆيتسە-ءمينيسترى دۋلات قۇسداۋلەتوۆ.

تۇزەتۋلەر كەلەسى قىلمىستاردى جاساعانى ءۇشىن ءولىم جازاسىن ءومىر بويى باس بوستاندىعىنان ايىرۋ جازاسىنا الماستىرۋدى قاراستىرادى: كىسى ءولتىرۋ، سوت ۇكىمىن نەمەسە الدىن الا تەرگەۋدى جۇزەگە اسىرىپ جاتقان تۇلعانىڭ ومىرىنە قاستاندىق جاساۋ، بۇيرىققا كونبەۋ نەمەسە بۇيرىقتى ورىنداماۋدىڭ باسقا تۇرلەرى، باسشىعا قارسىلىق كورسەتۋ نەمەسە ونى قىزمەتتىك مىندەتتەرىن بۇزۋعا ماجبۇرلەۋ، باسشىلىققا قاتىستى زورلىق شارالارى، دەزەرتيرلىك، ءوزىن جاراقاتتاۋ ارقىلى اسكەري قىزمەتتەن جالتارۋ، اسكەري كەزەكشىلىكتى اتقارۋ ەرەجەلەرىن بۇزۋ، بيلىكتى تەرىس ماقساتتا پايدالانۋ، اسىرا پايدالانۋ نەمەسە ارەكەتسىزدىك تانىتۋ، قارسىلاسقا سوعىس جۇرگىزۋ قۇرالىن بەرۋ نەمەسە قالدىرىپ كەتۋ.

سونىمەن قاتار، تۇزەتۋلەر گەنوتسيد، مەملەكەتتى ساتۋ جانە اسكەري قىلمىستار ءۇشىن جازا قاراستىراتىن قىلمىستىق كودەكس باپتارىنىڭ قۇرىلىمىن وزگەرتۋدى قاراستىرادى. اتالعان قىلمىستار بەيبىت جانە سوعىس ۋاقىتىندا جاسالۋ بويىنشا ءبولىنىپ وتىر. اتالعان قىلمىستاردى سوعىس جاعدايىندا جاساعانى ءۇشىن ءولىم جازاسى قاراستىرىلعان.

قازاقستاننىڭ قازىرگى قىلمىستىق كودەكسىندە ءولىم جازاسى قىلمىستىڭ 18 قۇرامى ءۇشىن قاراستىرىلعان، ولاردىڭ 10 –ى سوعىس ۋاقىتىندا جاسالاتىن اسكەري قىلمىستار بولىپ تابىلادى.

ءولىم جازاسى ايەلدەرگە جانە قىلمىستى 18 جاسقا دەيىنگى جاسىندا جاساعان تۇلعالارعا جانە سوت ۇكىمى شىققان كەزدە 65 جاسقا تولعان ەر ادامدارعا بەلگىلەنبەيدى. ءولىم جازاسى 25 جىلعا نەمەسە ءومىر بويى  باس بوستاندىعىنان ايىرۋعا الماستىرىلۋى مۇمكىن.

2003 جىلدىڭ جەلتوقسانىنان باستاپ قازاقستاندا ءولىم جازاسىنا موراتوري ەنگىزىلدى. ەڭ جوعارعى جازا رەتىندە ءومىر بويى باس بوستاندىعىنان ايىرۋ جازاسى قولدانىلىپ كەلەدى.