جۇما, 3 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
564 0 پىكىر 9 ءساۋىر, 2020 ساعات 11:05

ۆيرۋس وشاعى سانالاتىن قىتايدىڭ ۋحان قالاسى اشىلدى

8 ساۋىرگە قاراعان ءتۇنى قىتاي بيلىگى ۆيرۋس وشاعى سانالاتىن ۋحان قالاسىن اشتى. حۋبەي پروۆينتسياسىنىڭ ورتالىعى قاڭتار ايىنان بەرى تولىق يزولياتسيادا بولعان. رەسمي اقپاراتقا سايكەس، 7 ساۋىردە مۇندا ەشكىمنەن ۆيرۋس تابىلماعان.

كارانتين كەزىندە بيلىك بارلىق وقۋ ورىندارىن جاۋىپ، قوعامدىق كولىكتى توقتاتتى. تۇرعىندار رۇقساتسىز قالادان شىعا الماعان.

حۋبەي پروۆينتسياسىندا كارانتيندىك شارالاردىڭ الىناتىنى تۋرالى اقپارات ناۋرىز ايىنىڭ سوڭىندا تاراعان. قازىر تۇرعىندار پروۆينتسيا اۋماعىنان شىعا الادى. جاقىن ارادا اۋە قاتىناسى قايتا قالپىنا كەلەدى دەپ ايتىلادى.

وتكەن جىلى جەلتوقسان ايىنىڭ سوڭىندا قىتايدا كوروناۆيرۋستىڭ جاڭا ءتۇرى تاراي باستاعان. ەپيدەميا باستالعان ۋاقىتتان بەرى 82 مىڭنان استام ادامعا ۆيرۋس جۇققان. 3300-دەن استام ادام كوز جۇمعان. كەيبىر ساراپشىلار پەكين كوروناۆيرۋس جۇقتىرعاندار سانى مەن كوز جۇمعاندار سانىن تومەندەتىپ كورسەتەدى دەپ سانايدى.

الەمدە كوروناۆيرۋس جۇقتىرعاندار سانى 1,5 ملن ادامعا جەتتى. 81 مىڭنان استام ادام كوز جۇمدى.

Abai.kz

0 پىكىر