CNN تەلەارناسىنا سۇحبات بەرگەن كۋومو شتات پەن فەدەرالدىق ۇكىمەت اراسىنداعى كونستيتۋتسيالىق داۋ سوتقا جەتۋى مۇمكىن ەكەنىن ايتتى. ء"دال قازىرگى جاعدايدا پرەزيدەنتتىڭ ديكتاتورلىق ادىستەرى تىم ورىنسىز" دەدى شتات گۋبەرناتورى.

دونالد ترامپ دۇيسەنبى كۇنى اق ۇيدە جۋرناليستەر الدىنا شىعىپ، شتاتتار "پرەزيدەنتتىڭ ماقۇلداۋىنسىز ەشتەڭە ىستەي المايدى" دەپ مالىمدەگەن. اقش كونستيتۋتسياسىنا سۇيەنگەن ول: "اقش پرەزيدەنتىنىڭ بيلىگى كۇمان تۋعىزبايدى", - دەدى.

ترامپتىڭ مۇنداي مالىمدەمەسىنە ەكى تانىمال سەناتور-رەسپۋبليكاشىل قارسى شىقتى. ۆايومينگ شتاتىنىڭ سەناتورى ليز چەيني "فەدەرالدىق ۇكىمەت شەكسىز بيلىككە يە ەمەس" دەپ مالىمدەدى. ال فلوريدا شتاتىنىڭ سەناتورى ماركو رۋبيو: "اۋرۋدان ساقتانۋ جانە ونى باقىلاۋدا ۇستاۋ ورتالىعى مەن اق ءۇي كەڭەستەرى ماڭىزدى، بىراق كونستيتۋتسيا مەن اقىلعا سالساق، شەشىمدەردى شتاتتار قابىلدايدى", - دەپ جاۋاپ بەردى.

Abai.kz