ءدال وسى "زاڭسىز العاندار سوتتالادى" دەگەن اقپاراتتى نەگە سول كەزدە بىردەن ايتپادى؟؟؟

ارينە، تاۋلىگىنە 25 ساعات سمارتفونعا بايلانىپ، ءىشى پىسىپ وتىرعان كوپشىلىك "تيسە تەرەككە، تيمەسە بۇتاققا" دەپ، ءبارى "42 مىڭعا ءوتىنىش تاستاي سالايىق" دەپ، ءتىپتى، ءبىر ەمەس، بىرنەشە رەت ءوتىنىش تاستادى.

ولاردىڭ ىشىندە ءارتۇرلى ساناتتاعىلار بار. بىرەۋلەر شىن مۇقتاج، بىراق 42 مىڭ الۋعا "زاڭدى قۇقىعى جوق", ەندى بىرەۋلەر - تابىسى ميلليون بولسا دا، جاردەماقى الۋعا بارلىق جاعىنان زاڭعا لايىق كەپ تۇر، ءۇشىنشى بىرەۋلەر اسا مۇقتاجدار قاتارىنا جاتپاۋى مۇمكىن، 200-500 مىڭداپ ايلىق تا المايدى، الايدا كۆارتپلاتاسىن، سالىعىن ۋاقىتىندا تولەپ، بارعا قاناعات ەتىپ، ايلىقتان ايلىققا جەتىپ جۇرگەن قىزمەتكەرلەر جانە مەن سياقتى جەكە كاسىپكەرلەر....

جاي.... "ار-ۇياتتارىڭا سەنەمىز" دەپ (قايداعى ار-ۇياتتى ايتقانىن...) حالىقتى وزدەرى اداستىرىپ، جاپپاي ءوتىنىش تاستاتىپ، ەندى "سوتتالاسىڭدار" دەپ وتىرعانى سىزدەردىڭ كاللاعا سىيسا دا، مەنىڭ كاللاما سىيمايدى....

جاردەماقىعا ءوتىنىش جازۋ - قىلمىس ەمەس. سول وتىنىشتەردى تەكسەرمەي، زاڭدى-زاڭسىز جاردەماقىنى تاعايىنداۋ - مامانداردىڭ كىناسى، بىلىمسىزدىگى، بىلىكسىزدىگى. ولاردىڭ ءوز جۇمىسىن دۇرىس ىستەمەگەنى ءۇشىن تاعى دا حالىق كىنالى مە؟؟؟

بازا بار. تەكسەرۋ مۇمكىندىكتەرىڭ بار. كىم شىن مۇقتاج؟ كىمدەردىڭ جۇمىسى توقتادى؟ كىمدەر جۇمىستى ونلاين جالعاستىرىپ، بۇرىنعىداي رەتپەن ايلىقتارىن الىپ وتىر؟ كىمدەر جۇمىسىنان ايىرىلدى؟ كىمدەر اسپ، سوتسپاكەت، 42 مىڭدى دا، 50 مىڭدى دا الىپ وتىر؟ نەگە بىرەۋلەر جاردەماقىنىڭ بىرنەشە ءتۇرىن ءبىر-اق الادى دا، ال نەگە كەيبىر اسا مۇقتاجدار مۇنىڭ بىرىنە دە ىلىنە الماي وتىر؟؟؟

ورتاق بازا جۇمىسىن دۇرىس ۇيىمداستىرۋ كەرەك.

"زاڭسىز العاندار ايىپپۇل تولەيدى نەمەسە تۇرمەگە قامالادى" دەپ حالىقتىڭ اشۋ-ىزاسىن تۋدىرماي، كىمدەرگە زاڭسىز تاعايىندادىڭدار، سولارعا سول بەرگەن 42 مىڭدى قايتارتىڭدار، سول دا جەتەدى.

ساۋلە ابىلداحانقىزىنىڭ الەۋمەتتىك جەلىدەگى جازباسى

Abai.kz