سۋرەتتەر "اق جايىق" گازەتىنىڭ azh.kz سايتىنان الىندى

اتىراۋداعى جارىلىس ورىن العان تۇرعىن ءۇي قالانىڭ "سارىارقا" ىقشاماۋدانىندا ورنالاسقان ەكەن. جارىلىستى بەلگىسىز جانكەشتىنىڭ جاساعانى بەلگىلى بولدى. "ونىڭ دەنە مۇشەلەرى ءار جەردە شاشىلىپ جاتىر", دەپ اتىراۋ وبلىستىق توتەنشە جاعدايلار دەپارتامەنتىنە سىلتەمە جاساي وتىرىپ، "تەنگيرينيۋس" وسىنداي اقپارات تاراتتى. وبلىستاعى جاعدايدان الداعى ۋاقىتتا حاباردار ەتىپ وتىراتىن بولامىز.

سۋرەتتەر "اق جايىق" گازەتىنىڭ azh.kz سايتىنان الىندى

اتىراۋداعى جارىلىس ورىن العان تۇرعىن ءۇي قالانىڭ "سارىارقا" ىقشاماۋدانىندا ورنالاسقان ەكەن. جارىلىستى بەلگىسىز جانكەشتىنىڭ جاساعانى بەلگىلى بولدى. "ونىڭ دەنە مۇشەلەرى ءار جەردە شاشىلىپ جاتىر", دەپ اتىراۋ وبلىستىق توتەنشە جاعدايلار دەپارتامەنتىنە سىلتەمە جاساي وتىرىپ، "تەنگيرينيۋس" وسىنداي اقپارات تاراتتى. وبلىستاعى جاعدايدان الداعى ۋاقىتتا حاباردار ەتىپ وتىراتىن بولامىز.

اتىراۋدىڭ ورتالىعىندا ءۇش بىردەي جارىلىس بولدى دەگەن سۋىت حابار ەل ىشىنە تاراپ جاتىر. «قازاقپارات» تاراتقان مالىمەتكە سۇيەنسەك، بۇگىن تاڭەرتەڭ وبلىستىق پروكۋراتۋرا مەن ۇلتتىق قاۋىپسىزدىك كوميتەتى جانىنداعى بەس قاباتتى تۇرعىن ۇيدە جويقىن جارىلىس بولعان. پاتەرلەردىڭ اينەگى ۇشىپ، تەرەزەسى سىنعان.  وقيعاعا قاتىستى ءتارتىپ ساقشىلارى مەن وبلىس باسشىلىعى قانداي دا ءبىر رەسمي اقپارات بەرە قويعان جوق. سونىمەن قاتار، وبلىستىق اكىمدىك پەن «قازاقتەلەكوم» جانىندا تاڭعى ساعات 9:30-دا جارىلىس بولدى دەپ حابارلايدى «قازتاگ» اقپارات اگەنتتىگى. «قازتاگ» تاراتقان بۇل اقپاراتقا قوسىمشا رەتىندە جاڭا عانا رەداكتسيامىزعا حابارالاسقان اتىراۋ قالاسى  تۇرعىنىنىڭ سوزىنە قاراعاندا، وبلىستىق اكىمدىك ماڭىنداعى قوقىس جاشىگىندە كىشىگىرىم جارىلىس بولعان، سونداي-اق ەكى جەڭىل كولىك ورتەنىپ كەتكەن كورىنەدى. سوڭعى كەزدە سۋىت حابارلار لەگى تولاستار ەمەس. وڭتۇستىكتە قۇرباندىققا ادام شالامىز دەۋشىلەر پايدا بولسا، باتىس جارىلىستان كوز اشار ەمەس. وسىدان سوڭ ىشكى ىستەر مينيسترلىگى مەن ۇلتتىق قاۋىپسىزدىك كوميتەتىندەگىلەر اي قاراپ وتىر ما دەگەن وي كەلەدى. ازىرگە رەسمي ورىندار ەلدى كەزىپ جۇرگەن سۋىت حابارلارعا بايلانىستى مالىمدەمە جاسامادى.

"اباي-اقپارات"