پاۆلوداردا كوروناۆيرۋس پاندەمياسىن جۇقتىرعان 57 جاستاعى ەر ادام قايتىس بولدى. 

پاۆلودار وبلىسىنىڭ دەنساۋلىق ساقتاۋ باسقارماسىنىڭ مالىمەتى بويىنشا، قايتىس بولعان ناۋقاس 23-ءساۋىر كۇنى كوروناۆيرۋس جۇقتىرىپ، ينفەكتسيالىق ستاتسيونارعا جاتقىزىلعان.

ونىڭ ءجىتى برونحيت دياگنوزى بولدى. ناۋقاستىڭ جاعدايى اۋىرلىقتىڭ ورتاشا دارەجەسى رەتىندە باعالاندى.

پاتسيەنت 2-ءتيپتى قانت ديابەتىمەن ەسەپتە تۇردى.

26 ساۋىردە جاعدايىنىڭ ناشارلاۋىنا بايلانىستى ەر ادام جۇقپالى گوسپيتالدىڭ رەانيماتسيالىق بولىمىنە اۋىستىرىلدى.

كۇن سايىن رەسپۋبليكالىق ماماندارمەن كەڭەس وتكىزىلدى.

29 ساۋىردە ەر ادامدا تىنىس الۋ جەتىسپەۋشىلىگىنىڭ ءوسۋى تىركەلدى. وسىعان بايلانىستى ول ءوجج اپپاراتىنا قوسىلدى.

2 مامىردا ناۋقاستىڭ جاعدايى كۇرت ناشارلادى. كەڭەس الۋ ءۇشىن نۇر-سۇلتان قالاسىنىڭ كارديوحيرۋرگى شاقىرىلدى.

رەانيماتسيادان كەيىنگى كەزەڭدە ەمدەلۋشىدە جۇرەك-تىنىس الۋ جانە بۇيرەك جەتكىلىكسىزدىگى ءورشiدi. جۇرگىزىلگەن قارقىندى تەراپياعا قاراماستان، پاتسيەنتتىڭ جاعدايى ناشارلادى.

ەمدەۋ قر دسم دياگنوستيكالاۋ جانە ەمدەۋ حاتتاماسىنا سايكەس جۇرگىزىلدى.

6 مامىر كۇنى ساعات 20:40-تا ەر ادامنىڭ بيولوگيالىق ءولىمى انىقتالدى.

ايتا كەتەيىك، بۇگىندە قازاقستاندا كوروناۆيرۋستان قايتىس بولعانداردىڭ سانى 31 ادامعا جەتكەن.

Abai.kz