جانداربەك بەكشين ورىسشاسىنان ءسۇرىنىپ ەدى، جۇرت جامىراپ كۇلدى. مازاق ەتتى. اقىرى قىزمەتىنەن قۇلاپ تىندى. قىزمەت جولىن قاراساڭىز، بار ەڭبەگىن سانيتارلىق سالاعا ارناعان كىسى. وتە بىلىكتى، تاپتىرماس مامان. قازىرگى باس سانيتارلىق دارىگەرگە قاراعاندا مەديتسينا عىلىمىنىڭ كانديداتى دەگەن دارەجەسى بار، عىلىممەن اي̆نالىسقان ادام. ءارى ەڭبەك ءوتىلى ەسماعامبەتوۆادان كەمىندە ون جىلعا ارتىق. سوندا بۇل كىسىنىڭ بار كىناسى ورىسشادان قاتەلەسكەنى مە؟ ءوزىنىڭ انا تىلىندە ەكى ءسوزدىڭ باسىن قۇراي الماي بىلجىراپ تۇراتىنداردىڭ قاسىندا، بەكشيننىڭ ورىسشادان شاتاسۋى كەشىرىلمەيتىندەي قانداي "كۇنا" ەكەن سوندا؟ ورىسشا ءبىلۋ قاي̆ زاڭدا مىندەتتەلگەن؟ نەگە ءبىز ءوز-ءوزىمىزدى ورعا جىعا بەرەمىز؟

ەسماعامبەتوۆانىڭ قىزمەتكە تاعاي̆ىندالعالى بەرى حالىق الدىنا شىعىپ قازاقشا ءبىر اۋىز سوي̆لەگەنىن نەمەسە سول ءبىر اي̆دا ءوز سالاسىندا قانداي̆ دا ءبىر ەسەپ بەرگەنىن كورگەندەرىڭىز بار ما؟ كەرىسىنشە، قاشان كورسەڭ ج.بەكشين تالداۋ جاساپ جاتادى.

ءوز باسىم بۇل اۋىس-تۇي̆ىستەن ەشقانداي̆ دا وڭ شەشىم كورىپ تۇرعان جوقپىن. كەرىسىنشە، ءالى سول قازاق ءتىلىن كەمسىتۋ. ورىس ءتىلىنىڭ ۇستەمدىك ەتىپ تۇرعانىن باي̆قاتتى. بىلايشا ايتقاندا، قازاق ءتىلىن ورىس تىلىنىنە جىعىپ بەردىك. بولدى. اي̆تپەسە، قازاقشا بىلمەگەنى ءۇشىن قاي̆ شەنەۋنىك جازالانىپ ەدى؟ قازاقشا ءبىر ءسوزى تۇسىنىكسىز گۇلجان قاراعۇسوۆا دا ءجۇر جاي̆راڭداپ...

قازاق ءتىلىنىڭ مارتەبەسىن قاعاز جۇزىندە عانا قورعاپ جۇرگەن كەيىپ تانىتىپ، ال ءىس جۇزىندە ورىس ءتىلىنىڭ داۋرەنى ءجۇرىپ تۇرعانىن، وكىنىشكە وراي̆ ەشقاي̆سىسىمىز دا ۇعىپ جۇرگەن جوقپىز.

ەرتاي ءنۇسىپجانوۆتىڭ الەۋمەتتىك جەلىدەگى جازباسى

Abai.kz