قر پرەمەر-ءمينيسترى اسقار مامين مەن ورىنباسارى ەرالى توعجانوۆ الماتى وبلىسىنا جۇمىس ساپارىمەن كەلدى. ونداعى ماقسات  كوروناۆيرۋس ىندەتىمەن كۇرەس شارالارىمەن تانىسۋ. 

جۇمىس ساپارى بارىسىندا  ۆيتسە-پرەمەر تالدىقورعانداعى قۇرىلىسى اياقتالعان ورتالىقتاندىرىلعان مەديتسينالىق زەرتحاناعا باردى. ورتالىق مەملەكەتتىك-جەكەمەنشىك ارىپتەستىك اياسىندا سالىنعان. عيمارات ماۋسىم ايىندا قولدانىسقا بەرىلسە، وبلىستاعى 7-ءشى پتر زەرتحانا رەتىندە جۇمىسىن باستايدى. كونسۋلتاتيۆتى-دياگنوستيكالىق قىزمەت كورسەتەتىن مەكەمەدە سىرقاتتانۋشىلارعا كەڭەس بەرۋ جانە مامموگرافيالىق تەكسەرۋ كابينەتتەرى بار. زەرتحاناعا زاماناۋي اپپاراتتار قويىلماق. 

«ەڭ الدىمەن ىندەت جۇقتىرۋ قاۋپى جوعارى توپقا جاتاتىن مەديتسينا ماماندارى، پوليتسيا قىزمەتكەرلەرى جانە باسقا دا ىندەتپەن كۇرەس شالارارىنا تارتىلعان ازاماتتاردى تەكسەرۋدەن وتكىزۋ ۇزدىكسىز جۇرگىزىلۋى كەرەك. وبلىستىڭ قىتايمەن، سول سياقتى شىعىس قازاقستان، جامبىل وبلىستارىمەن شەكتەسەتىن اۋماقتارىن ءجىتى باقىلاۋ كەرەك. سىرتتان كەلگەندەرى، شەت مەملەكەتتەردەن كەلىپ جاتقان ستۋدەنتتەرىمىزدى، سىرتقاتتارمەن بايلانىستا بولعان ازاماتتاردى پروۆيزورلىق ستاتسيونارلارعا كارانتينگە الۋ جۇمىستارى ءتيىستى دەڭگەيدە بولۋى ءتيىس. ىندەتتەن قايتىس بولۋ دەرەگىنە جول بەرمەۋىمىز كەرەك. وبلىستاعى بۇل باعىتتاعى جۇمىستارعا قانىقپىن. جۇمىستى وسى قارقىندا جالعاستىرا بەرىڭىزدەر»، - دەدى ەرالى لۇقپانۇلى.

قۇرىلىسى اياقتالعان نىساندى ارالاۋ بارىسىندا ەرالى لۇقپانۇلى الماتى وبلىسى اكىمىنىڭ ورىنباسارى باتىرجان بايجۇمانوۆتان ايماقتاعى كوروناۆيرۋس ىندەتىنىڭ تارالۋ جاي-كۇيىن سۇرادى. تۇرعىنداردىڭ تەستىلەۋدى توقتاتپاۋىن جانە زەرتحانالىق قىزمەتتىڭ باعاسىن وسىرمەۋىن تاپسىردى.  

جالپى، وڭىردە COVID-19 ينفەكتسياسىنا قارسى كۇنىنە 2500 سىناما الىنسا، وسى جاڭا زەرتحانانىڭ ارقاسىندا بۇل كورسەتكىش 3000-عا دەيىن ۇلعايماق.  وبلىستا بۇگىنگە دەيىن 38 مىڭنان استام زەرتتەۋ جاسالعان.

ايمان اسىل 

Abai.kz