قازاقستاندا كەزەكتى Invest Day شاراسى وتەدى. بۇل جولى ءداستۇرلى جيىن ونلاين رەجيمىندە ۇيىمداستىرىلادى،- دەپ حابارلايدى Strategy2050.kz.

باستى ماقسات – ينۆەستورلار مەن دارىندى جاس ونەرتاپقىشتاردى توعىستىرۋ. ەرەكشە جوبالار جۇزەگە اسىرۋ مۇمكىنىدىگىنە يە بولادى. Astana Hub-تىڭ باس ديرەكتورى دجوزەف تسيگلەردىڭ ايتۋىنشا، بولاشاعىنان زور ءۇمىت كۇتتىرەتىن جوبالاردى ىزدەگەن ينۆەستورلار ۇتىمدى باستامالاردى جۇزەگە اسىرۋعا قىرۋار قاراجات بولۋگە دايىن. وسىنداي Invest Day شاراسىنان سوڭ تالاي وتاندىق تىرناقالدى باستاما نارىققا شىقتى دەيدى ول.

«ءبىز جوبالاردى بىرنەشە باعىت بويىنشا باعالايمىز. ءونىمنىڭ ءوزى، ونىڭ تيىمدىلىگى، قوعامعا پايداسى، قانداي ماسەلەلەردى شەشە الاتىندىعى، نارىقتاعى سۇرانىسى، جەتىلدىرۋگە قاتىستى كورسەتكىشتەرى سىنالادى. كەيىن كوماندا تەكسەرىلەدى. جوبانى قۇراستىرۋشىلاردىڭ كاسىبي دەڭگەيىنە ءمان بەرىلەدى. سونداي-اق، بۇگىنگە دەيىن ساۋداعا شىعارىلسا ساتىلۋ كورسەتكىشى، تۇتىنۋشى سانى، ءونىم وتكىزىلەتىن نارقىنىڭ گەوگرافياسى، شەت ەلدەر اۋماعىندا تاراتۋ الەۋەتى تولىقتاي سارالانادى»، دەيدى دجوزەف تسيگلەر.

وتىنىمدەر ءۇش اپتا بويى قابىلدانادى. باستى تالاپ – IT سالاسى باعىتىنداعى تەحنولوگيالىق ستارتاپ بولۋى كەرەك. ولاردىڭ اراسىنان 10 ۇزدىگى ىرىكتەلەدى. جوبانى قورعاۋعا 5 مينۋت جانە تاعى سونشا ۋاقىت قويىلعان ساۋالدارعا جاۋاپ بەرۋگە بەرىلەدى.

«قانداي جوبالار تابىسقا يە بولادى؟ ارينە، ەڭ الدىمەن ونلاين وقۋ، جالپى ءبىلىم جانە دەنساۋلىق سىندى قوعامدىق سالالارىنا قاتىستى باستامالار قىزىقتى بولادى. سونداي-اق، ەلەكتروندى ساۋدا، ۆيرتۋالدى شىنايىلىق باعىتىنداعى ستارتاپتار كوبىنە قارجىلاي قولداۋعا يە بولىپ جاتادى. بىلتىرعى Invest Day شاراسىندا بىرقاتار جوبالارعا 200 مىڭ دوللار شاماسىندا ينۆەستيتسيا تارتىلدى. بيىل دا بۇل مەجەدەن كەم بولمايدى دەپ ويلايمىز», - دەيدى دجوزەف تسيگلەر.

Astana Hub ءباسپاسوز قىزمەتى بويىنشا الداعى ماۋسىم ايىنىڭ 30 كۇنى ۇزدىك جوبا اۆتورلارى قازاقستاندىق بيزنەس-پەرىشتەلەر، ينۆەستورلار جانە ءتۇرلى قور وڭىلدەرىمەن جۇزدەسەتىن بولادى.

«ءبىز – قازاقستاننىڭ يننوۆاتسيالىق ەكوجۇيەسىنىڭ باستى قاتىسۋشىسىمىز. ويتكەنى ءار باعىتتاعى قاتىسۋشىلارمەن تىكەلەي تىعىز-قارىم-قاتىناس جاسايمىز. ستارتاپ ءۇشىن ينۆەستيتسيانىڭ ماڭىزى ايرىقشا. جاقسى ءبىر باستامالارعا قارجى قۇيۋعا نيەتتى ينۆەستورلارعا ستارتاپ تاۋىپ بەرەمىز. جوبا يەلەرىنە ونەرتابىسىن جۇزەگە اسىرۋ ءۇشىن قارجى تارتۋعا كومەكتەسەمىز. بۇل بارلىعى ءۇشىن ءتيىمدى شارا», - دەيدى Astana Hub-تىڭ باس ديرەكتورى دجوزەف تسيگلەر.

Abai.kz