الماتىدا "عىلىم ورداسى" شجق رمك باس ديرەكتورى مەن سول مەكەمەنىڭ باس ەكونوميسى سىبايلاس جەمقورلىق قىلمىسىن جاساۋ كۇدىگى بويىنشا ۇستالدى. بۇل تۋرالى الماتى قالالىق سىبايلاس جەمقورلىققا قارسى قىزمەت وكىلدەرى مالىمدەدى.

"ولار ءتيىستى شارتسىز مەملەكەتتىك ءۇي-جايلاردى جالعا بەرگەنى ءۇشىن ازاماتتاردان جۇيەلى تۇردە اقشالاي سىياقىلار الۋدا كۇدىككە ءىلىندى. كۇدىكتى ديرەكتور ۇستالىپ، الماتى قالاسىنىڭ پد-ءنىڭ ۋاقىتشا ۇستاۋ يزولياتورىنا قامالدى", - دەلىنگەن حابارلامادا.

كۇدىكتىلەر ءوز كىناسىن مويىندادى، تەرگەۋ امالدارى جالعاسىپ جاتىر.

ءبىلىم جانە عىلىم مينيسترلىگى عىلىم كوميتەتىنىڭ «عىلىم ورداسى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى ۇكىمەتتىڭ 2010 جىلعى 11 اقپانداعى قاۋلىسىمەن قۇرىلدى.

بۇل - عىلىم، ءبىلىم سالاسىنداعى ينتەللەكتۋالدى الەۋەتتىڭ شوعىرلانۋى مەن ءوزارا ارەكەتىن جۇزەگە اسىراتىن كوپ فۋنكتسيالى ورتالىق. عيمارات قازاقستان تاريحى مەن مادەنيەتىنىڭ بىرەگەي ەسكەرتكىشى سانالادى جانە مەملەكەتتىڭ قورعاۋىندا.

Abai.kz