تۇرعىن ءۇي قۇرىلىس جيناق بانكى «ارناۋ» بالالار دەپوزيتىن ىسكە قوستى.

دەپوزيتتىڭ ەڭ تومەنگى جيناقتاۋ مەرزىمى 10 جىلدان 15 جىلعا دەيىن. سالىمشى وى ۋاقىت ارالىعىندا پاتەر باعاسىنىڭ 50%-ءىن جيناۋى كەرەك. وعان جىل سايىن 2% مولشەرىندە بانك سىياقىسى قوسىلادى. سونىمەن قاتار، 20% مەملەكەت سىيلىقاقىسى بەرىلەدى. ء(بىر جىل ىشىندە جينالعان 200 اەك-كە دەيىنگى جيناق سوماسىنا) ناتيجەسىندە، جىلدىق ءتيىمدى سىياقى مولشەرلەمەسى: 6%-عا دەيىن جەتەدى.

«ارناۋ» دەپوزيتىندە شارت سوماسىنىڭ 50%-ىن كەم دەگەندە 10 جىل بويى جيناپ، 48 ۇپايعا تەڭ باعالاۋ كورسەتكىشىنە (بك) قول جەتكىزۋ كەرەك. وسى تالاپتار ورىندالعان سوڭ دەپوزيت يەگەرى تۇرعىن ءۇي ساتىپ الۋ ءۇشىن 2% جىلدىق مولشەرلەمەمەن تۇرعىن ءۇي زاەمىن راسىمدەي الادى» دەلىنگەن حابارلامادا.

زاەم تەك كامەلەتتىك جاسقا تولعان دەپوزيت يەگەرىنىڭ اتىنا بەرىلەدى، ياعني ءۇي الار ساتتە بالانىڭ جاسى 18-دەن جوعارى بولۋى كەرەك.

«ارناۋ» دەپوزيتىن ءسابيدىڭ اتىنا تەك بالانىڭ زاڭدى وكىلدەرى (اتا-اناسى، قامقورشىسى) عانا اشا الادى. ال وعان قاراجاتتى بالانىڭ اتا-اناسى مەن قامقورشىسىنان بولەك، ونىڭ اجەسى، اتاسى، اعالارى مەن اپكەلەرى، ءتىپتى، ۇيىمدار دا تولىقتىرا الادى.

دەپوزيتتى 18 جاسقا دەيىنگى كەز كەلگەن بالاعا اشۋعا بولادى. مىسالى، بالانىڭ جاسى 15-تە بولسا جانە ونىڭ اتىنا دەپوزيت اشىلسا، 10 جىلدان كەيىن، ياعني 25-كە كەلگەندە 2%-بەن تۇرعىن ءۇي زاەمىن راسىمدەي الادى.

«ارناۋ» دەپوزيتىن اشۋ ءۇشىن بانك كەڭەسشىلەرىنە حابارلاسۋ قاجەت.

Abai.kz