مەملەكەت باسشىسىنىڭ وكىمىمەن ايدىن جۇمابەكۇلى اشۋەۆ قازاقستان رەسپۋبليكاسى قارجى مينيسترلىگىنىڭ جاۋاپتى حاتشىسى قىزمەتىنە تاعايىندالدى.

بۇل تۋرالى اقوردانىڭ ءباسپاسوز قىزمەتى حابارلادى.

ايدىن اشۋەۆ 1976 جىلى الماتى قالاسىندا تۋعان.

قازاق مەملەكەتتىك باسقارۋ اكادەمياسىن، قارجى اكادەمياسىن بىتىرگەن.

ەڭبەك جولىن 1995 جىلى باستاعان. ءتۇرلى جىلدارى كوممەرتسيالىق سەكتوردا، «ەكسپورتتىق كرەديتتەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» اق، «ۇلتتىق زياتكەرلىك مەنشىك ينستيتۋتى» رمقك، «قازاگرو» ۇلتتىق حولدينگى» اق، «قازاگروگارانت» اق، قر ستاتيستيكا اگەنتتىگىندە جۇمىس ىستەدى، «اقپاراتتىق ەسەپتەۋ ورتالىعى» رمك باسقاردى.

2019 جىلدىڭ قاڭتارىنان تامىزىنا دەيىن قر قارجى مينيسترلىگىنىڭ مەملەكەتتىك ساتىپ الۋلار كوميتەتىنىڭ توراعاسى بولىپ قىزمەت ەتتى.

2019 جىلدىڭ تامىزىنان قارجى مينيسترلىگىنىڭ قازىناشىلىق كوميتەتىنىڭ توراعاسى قىزمەتىن اتقارعان.

Abai.kz