ماۋسىمنىڭ 3-ءى كۇنى Microsoft كومپانياسى قازاق ءتىلىنىڭ كومپانيانىڭ Microsoft Translator تىلدەر توبىنا قوسىلعانىن جاريالادى. بۇل Google-دان كەيىنگى قازاق ءتىلىن قوسقان ەكىنشى الەمدىك كومپانيا،- دەپ حابارلايدى kaz-science.kz.

قازاق ءتىلى ەندى Microsoft اۋدارما قوسىمشالارى، قوندىرمالار، Office باعدارلامالارى، Bing اۋدارماشىسى جانە بيزنەستەر مەن باعدارلاما ازىرلەۋشىلەرگە ارنالعان Azure Cognitive Services اۋدارما قىزمەتىنىڭ ءتىلى بولىپ جۇمىس جاسايدى.

كومپانيانىڭ بلوگىنا جازىلعان حابارلامادا بىلاي دەلىنگەن:

«بۇگىن ءبىز تىلدىك كەدەرگىلەردى جويۋ جونىندەگى ميسسيامىزدى جالعاستىرا وتىرىپ Microsoft Translator تىلدەر توبىنا قازاق ءتىلىن قوستىق دەپ قۋانىشتى تۇردە جاريالايمىز. Qazaqsha نەمەسە Qazaq Tili دەپ تانىلعان بۇل  ءتىلدىڭ قازاقستان، باتىس قىتايدا، باتىس موڭعوليا، رەسەيدىڭ وڭتۇستىگىندە جانە الەمنىڭ باسقا جەرلەرىندە 22 ميلليونعا جۋىق سويلەۋشىسى بار»

ەستەرىڭىزگە سالا كەتەيىك، 2014 جىلدىڭ 12 جەلتوقسانىندا WikiBilim قوعامدىق قورى قازاق ءتىلىنىڭ Google كومپانياسى اۋدارما قىزمەتىنە رەسمي تۇردە قوسىلعانىن جاريالاعان بولاتىن. بۇگىندە قازاق ءتىلى اتالمىش اۋدارما قۇرالىنداعى 109 ءتىلدىڭ ءبىرى.

Abai.kz