الماتىداعى تەمىر جول تەحنيكاسىن جوندەۋمەن اينالىساتىن «ىرىستى اەۆرز» زاۋىتىنىڭ ءۇش مىڭعا تارتا جۇمىسشىسى ەرەۋىلگە شىعۋعا ساقاداي-ساي وتىر. اپتانىڭ العاشقى كۇنىندە جۇمىستارىن دوعارىپ قويىپ، باسشىلىقتىڭ جاساپ وتىرعان ءىس-ارەكەتىنە قارسى ەتەك-جەڭىن ءتۇرىنىپ شىققان تەمىرجولشىلار قويعان تالاپتارى ورىندالمايىنشا ولىسپەي بەرىسپەيتىندىكتەرىن بايقاتتى.

الماتىداعى تەمىر جول تەحنيكاسىن جوندەۋمەن اينالىساتىن «ىرىستى اەۆرز» زاۋىتىنىڭ ءۇش مىڭعا تارتا جۇمىسشىسى ەرەۋىلگە شىعۋعا ساقاداي-ساي وتىر. اپتانىڭ العاشقى كۇنىندە جۇمىستارىن دوعارىپ قويىپ، باسشىلىقتىڭ جاساپ وتىرعان ءىس-ارەكەتىنە قارسى ەتەك-جەڭىن ءتۇرىنىپ شىققان تەمىرجولشىلار قويعان تالاپتارى ورىندالمايىنشا ولىسپەي بەرىسپەيتىندىكتەرىن بايقاتتى.

تالاپ بىرەۋ عانا، كەزىندە جەكە مەنشىك قولعا ءوتىپ كەتكەن كاسىپورىندى مەملەكەت يەلىگىنە قايتارىپ، ونىڭ اكتسيالارىن قاراپايىم جۇمىسشىلاردىڭ ساتىپ الۋىنا مۇمكىندىك بەرۋ. باسقا اكەتىپ بارا جاتقان ەشتەڭەسى جوق. نارازىلىق اكتسياسىنا قاتىسۋشى توپتىڭ ەسەبىنشە، زاۋىت مەملەكەت مەنشىگىنە وتەتىن بولسا، وسى ۋاقىتقا دەيىن قوردالانىپ كەلگەن كوپتەگەن تۇيتكىلدەر شەشىمىن تاپپاق. ال، ەگەر جوعارعى جاققا جولدانعان تالاپ-تىلەكتەر ورىندالماي جەردە قالاتىن بولسا، قاپتاعان قالىڭ جۇمىسشى شىلدەنىڭ 2-ءشى جۇلدىزىندا قالانىڭ قاق ورتاسىنا بارىپ ۇلكەن شەرۋ وتكىزەتىندىكتەرىن ەسكەرتەدى. «ءبىزدىڭ باستى تالابىمىز - زاۋىت مەملەكەت قولىنا بەرىلسىن! ەگەر ءبىر اپتانىڭ ىشىندە بيلىك تاراپىنان ناقتى قادامدار جاسالماسا، ءبىز ەرەۋىلدى باستايمىز. ادامدار جۇمىستارىنا ادەتتەگىدەي ۋاقىتىمەن كەلىپ، جۇمىس اياقتالعانشا سول جەردە بولادى، بىراق ەشقايسىسى جۇمىس ىستەمەك ەمەس. تاعى دا قايتالايمىن، ەگەر ماسەلەمىزدى شەشىپ بەرمەسە، 2-ءشى شىلدەدە استانا الاڭىنا شىعىپ، ميتينگى ۇيىمداستىرامىز. قالالىق اكىمدىكتەن رۇقسات سۇرادىق»، - دەيدى «الماتى ەلەكتروۆاگون» جوندەۋ زايىتىنىڭ ءبولىم باستىعى ەسەن ۇتكەشباەۆ.

ازىرگە بەلسەندى توپپەن كەلىسىمگە كەلۋگە نە جەرگىلىكتى بيلىك وكىلدەرى، نە زاۋىت باسشىلىعى ارەكەت جاساماي وتىر. سوعان قاراعاندا بۇل نارازىلىقتىڭ سوڭى استانا الاڭىندا جالعاساتىن سياقتى.

سەرىك قاراباس

«قازاقستان» اپتالىعى. 24. 06. 09