جۇما, 29 ناۋرىز 2024
سايلاۋ 4547 7 پىكىر 16 ماۋسىم, 2020 ساعات 13:07

وكىلەتتىگى اياقتالاتىن 17 سەناتور سايلاۋعا قايتا تۇسە مە؟

2020 جىلى 12 تامىزدا قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋى وتەدى. مەملەكەت باسشىسى قاسىم-جومارت توقاەۆ قول قويعان قاۋلىعا وتكەن اپتادا جاريالاندى.

سەنات – 49 دەپۋتاتتان تۇرادى. دەپۋتاتتارىنىڭ وكiلەتتiك مەرزiمi - 6 جىل. الدىڭعى سەنات دەپۋتاتتارىنىڭ سايلاۋى 2017 جىلعى 28 ماۋسىمدا وتكەن. ال 2014 جىلى سايلانعان سەنات دەپۋتاتتارىنىڭ وكىلەتتىلىك مەرزىمى 2020 جىلدىڭ 14 قازانىندا تولادى.

دەمەك بيىل 2014 جىلى سايلانعان دەپۋتاتتار ورنىن بوساتادى. ورتالىق سايلاۋ كوميسسياسىنىڭ توراعاسى بەرىك يماشەۆتىڭ مالىمەتىنشە، وڭىرلەردەن سايلانعان 17 دەپۋتاتتىڭ وكىلەتتىك مەرزىمى اياقتالاعان ەكەن.

وكىلەتتىلىك مەرزىمى اياقتالعان سەنات دەپۋتاتتارى:

سەرىك جاقسىبەكوۆ

64 جاستا. «تسەسنا» كورپوراتسياسى» اق توراعاسى، ديرەكتورلار كەڭەسىنىڭ توراعاسى بولىپ قىزمەت ىستەگەن. استانانىڭ (نۇر-سۇلتان) بۇرىنعى اكىمى ادىلبەك جاقسىبەكوۆتىڭ ءىنىسى. استانا قالاسىنان سايلانعان.

تولەۋبەك مۇقاشەۆ

70-تە. الماتى قالاسىنان سايلانعان سەنات دەپۋتاتى.

اڭسار مۇساحانوۆ

بيىل 54-تە. الماتى وبىلىسىنىڭ بۇرىنعى اكىمى. وسى وڭىردەن سايلانعان.

مارات تاعىموۆ

68 جاستا. اقتوبە وبىلىسى اكىمىنىڭ بۇرىنعى ورىنباسارى. اقتوبە وبلىسىنان سايلانعان.

راشيت اكىموۆ

66-دا. اقمولا وبلىسى اكىمىنىڭ بۇرىنعى ورىنباسارى. اتالعان وڭىردەن سايلانعان.

سارسەنباي ەڭسەگەنوۆ

57-دە. اتىراۋ وبلىسىنىڭ قۇرمانعازى، جىلىوي، قىزىلقوعا اۋداندارىنىڭ قۇرمەتتى ازاماتى. اتىراۋ وبلىسىنان سايلانعان.

ەربولات مۇقاەۆ

59-عا تولادى. بقو اكىمىنىڭ اپپاراتىن باسقارعان. وسى وڭىردەن سايلانعان.

مۇراتباي جولداسباەۆ

63-تە. جامبىل وبلىسى اكىمىنىڭ بۇرىنعى ورىنباسارى. جامبىل وبلىسىنىڭ اتىنان سايلانعان.

سەرگەي ەرشوۆ

60-تا. قاراعاندى وبلىسىنان سايلانعان سەنات دەپۋتاتى.

سەرىك بەكتۇرعانوۆ

63-تە. قوستاناي وبلىسى اكىمىنىڭ بۇرىنعى ورىنباسارى. قوستانايدان سايلانعان.

بەكمىرزا ەلامانوۆ

70 جاستا. قىزىلوردا وبلىسى اكىمىنىڭ ورىنباسارى بولعان. قىزىلوردا وبلىسىنان سايلانعان.

ميحايل بورتنيك

60-تا. ماڭعىستاۋ وبلىسى اكىمىنىڭ بۇرىنعى ورىنباسارى. وسى ايماقتان سايلانعان.

ءالي بەكتاەۆ

58-دە. «اۋىل» پارتياسىنىڭ توراعاسى. وڭتۇستىك قازاقستان (تۇركىستان) وبلىسىنان.

ماناپ كوبەنوۆ

63-تە. پاۆلودار وبلىسىنان سايلانعان.

ولگا پەرەپەچينا

53 جاستا. سولتۇستىك قازاقستان وبلىسىندا قارجى سالاسىندا جۇمىس ىستەگەن. سقو-دان سايلانعان.

سەرگەي پلوتنيكوۆ

60-قا تولادى. شىعىس قازاقستان وبلىسى اكىمىنىڭ بۇرىنعى ورىنباسارى. شقو-دان سايلانعان.

ايگۇل قاپباروۆا

45-كە تولادى. سەنات دەپۋتاتى بولىپ شىمكەنت قالاسىنان سايلانعان.

جوعارىدا اتى اتالعان 17 سەناتوردىڭ كەيبىرى 12 تامىزدا وتەتىن سايلاۋعا قايتا قاتىسۋعا نيەت ءبىلدىرىپ وتىر. سولاردىڭ ءبىرى - قاراعاندى وبلىسىنان سايلانعان سەرگەي ەرشوۆ. 60 جاستاعى ەرشوۆ مىرزا الداعى سەنات دەپۋتاتتارى سايلاۋىنا قاتىساتىنىن ءوزى راستادى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621