«مەملەكەت قارجىسىن تالان-تاراجعا سالدى جانە قىزمەتتىك لاۋازىمىن اسىرا پايدالاندى» دەگەن ايىپپەن ىزدەۋدە جۇرگەن مادەنيەت جانە اقپارات مينيسترلىگى ءتىل كوميتەتىنىڭ بۇرىنعى توراعاسى ەردەن قاجىبەك تۇركيا اۋماعىندا جۇرگەنى انىقتالدى. بۇل تۋرالى كەشە وتكەن بريفينگتە ەكونوميكالىق قىلمىس پەن سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) رەسمي وكىلى مۇرات جۇمانباي ءمالىم ەتتى.
«سىرتتاي ايىپ تاعىلىپ، ىزدەۋ سالىنعان، سوتتىڭ سانكتسياسىمەن قاماۋعا الىنۋعا ءتيىس ەردەن قاجىبەكتى ىزدەستىرۋ ءىس-شارالارىنىڭ ناتيجەسىندە ونىڭ تۇركيا رەسپۋبليكاسىندا جۇرگەندىگى انىقتالدى»، – دەدى ول. بۇدان بۇرىن دا حابارلاعانىمىزداي، ەردەن قاجىبەككە «مەملەكەت قارجىسىن تالان-تاراجعا سالدى جانە قىزمەتتىك لاۋازىمىن اسىرا پايدالاندى» دەگەن ايىپ تاعىلعان بولاتىن. ناقتى ايتار بولساق، 2007 جىلى ءتىل كوميتەتىنىڭ باسشىسى قىزمەتىندەگى ەردەن قاجىبەكتىڭ رۇقساتىمەن قازاق-ورىس-اعىلشىن تىلىندەگى ونلاين سوزدىگىنە تاپسىرىس بەرىلىپتى. ول ءۇشىن تاپسىرىستى ورىنداۋشىعا بيۋدجەتتەن ءجۇز پايىزدىق تولەم جاسالعان. الايدا ورىنداۋشى فيرما ءوز مىندەتتەرىن اتقارماعان، ال كوميتەت توراعاسى ورىندالماعان جۇمىستى «قابىلداپ» الىپ، ءۇش اكتىگە قول قويعان. بىراق ينتەرنەت ارقىلى تارالۋى ءتيىس سوزدىك بۇگىنگە دەيىن جۇمىس ىستەمەيدى ەكەن.

«مەملەكەت قارجىسىن تالان-تاراجعا سالدى جانە قىزمەتتىك لاۋازىمىن اسىرا پايدالاندى» دەگەن ايىپپەن ىزدەۋدە جۇرگەن مادەنيەت جانە اقپارات مينيسترلىگى ءتىل كوميتەتىنىڭ بۇرىنعى توراعاسى ەردەن قاجىبەك تۇركيا اۋماعىندا جۇرگەنى انىقتالدى. بۇل تۋرالى كەشە وتكەن بريفينگتە ەكونوميكالىق قىلمىس پەن سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) رەسمي وكىلى مۇرات جۇمانباي ءمالىم ەتتى.
«سىرتتاي ايىپ تاعىلىپ، ىزدەۋ سالىنعان، سوتتىڭ سانكتسياسىمەن قاماۋعا الىنۋعا ءتيىس ەردەن قاجىبەكتى ىزدەستىرۋ ءىس-شارالارىنىڭ ناتيجەسىندە ونىڭ تۇركيا رەسپۋبليكاسىندا جۇرگەندىگى انىقتالدى»، – دەدى ول. بۇدان بۇرىن دا حابارلاعانىمىزداي، ەردەن قاجىبەككە «مەملەكەت قارجىسىن تالان-تاراجعا سالدى جانە قىزمەتتىك لاۋازىمىن اسىرا پايدالاندى» دەگەن ايىپ تاعىلعان بولاتىن. ناقتى ايتار بولساق، 2007 جىلى ءتىل كوميتەتىنىڭ باسشىسى قىزمەتىندەگى ەردەن قاجىبەكتىڭ رۇقساتىمەن قازاق-ورىس-اعىلشىن تىلىندەگى ونلاين سوزدىگىنە تاپسىرىس بەرىلىپتى. ول ءۇشىن تاپسىرىستى ورىنداۋشىعا بيۋدجەتتەن ءجۇز پايىزدىق تولەم جاسالعان. الايدا ورىنداۋشى فيرما ءوز مىندەتتەرىن اتقارماعان، ال كوميتەت توراعاسى ورىندالماعان جۇمىستى «قابىلداپ» الىپ، ءۇش اكتىگە قول قويعان. بىراق ينتەرنەت ارقىلى تارالۋى ءتيىس سوزدىك بۇگىنگە دەيىن جۇمىس ىستەمەيدى ەكەن.
«مەملەكەت وسى تاپسىرىستى ورىنداۋعا قاجەتتى قارجىنى تولىق كولەمدە تولەپ بەرگەن. الايدا ەلىمىزدەگى 20 مينيسترلىك پەن ءتىلدى دامىتۋمەن اينالىساتىن 12 مەملەكەتتىك مەكەمەنىڭ مالىمەتتەرى بويىنشا، ءۇشتىلدى سوزدىك جۇمىس ىستەمەيدى. سوندىقتان اتالمىش سوزدىك مەملەكەتتىك ورگانداردا پايدالانىلىپ وتىرعان جوق. وسىلايشا كوميتەتتىڭ بۇرىنعى توراعاسىنىڭ زاڭسىز ارەكەتىنىڭ سالدارىنان مەملەكەتكە 65 ميلليون تەڭگە زيان كەلگەن. قازىرگى تاڭدا وعان ىزدەۋ جاريالاندى»، – دەپ مالىمدەگەن بولاتىن اگەنتتىكتىڭ رەسمي وكىلى مۇرات جۇمانباي.

بۇركىت نۇراسىل، استانا
«الاش ايناسى» گازەتى 25 ماۋسىم 2009 جىل