كەلىسسەڭ وتىرىكتەن ۆيرۋس شىقتى دەپ اۋرۋحاناعا جاتقىزىپ قوي̆ىپ، اقشا بەرەدى ەكەن دەگەن ەل اراسىندا ءسوز ءجۇر. بۇل بەكەر ەمەس. "جەل تۇرماسا ءشوپتىڭ باسى قيمىلداماي̆دى"...
.
ىندەتتىڭ الدىن الۋ شارالارى ءۇشىن جىل باسىندا رەسپۋبليكالىق بيۋدجەت ەسەبىنەن 55,9 ميلليارد تەڭگە قاراستىرىلعانىن بىلەمىز. ونىڭ ىشىندە، مەديتسينا قىزمەتكەرلەرىنىڭ ۇستەمە جالاقىسىن ەسەپتەمەگەندە، ۆيرۋس جۇقتىرعان ناۋقاستاردى قابىلداپ، ەم-شاراسىن جۇرگىزەتىن اۋرۋحانالارعا 14,7 ميلليارد، دياگنوستيكالىق زەرتتەۋلەر ءۇشىن 5,4 ميلليارد قاراجات بولىنەتىنى حابارلانعان بولاتىن. دەمەك، جوق ناۋقاستىڭ سانىن كوبەي̆تۋ ارقىلى مەملەكەت اقشاسىن الدەكىمدەر تالان-تاراجعا سالىپ جاتۋى ابدەن مۇمكىن.
.
ەگەر بۇل ءىس وسىلاي̆ استىرتىن ءجۇرىپ جاتسا، وندا سول ميللياردتار دىتتەگەن جەرىنە جەتپەي̆ دىڭكەسى قۇرىپ، بەلگىلى ءبىر ادامداردىڭ قالتاسىنا كەتىپ جاتىر دەگەن ءسوز. وندا سەندەر سەنبەدىڭدەر دەپ حالىقتى جازعىرۋدىڭ ەش قاجەتى جوق. بۇدان كەي̆ىن كىم سەنەدى؟!
.
جالپى جەمقورلىقپەن كۇرەس دەپ ادەمىلەپ اي̆تقانىمىز بولماسا، كۇرەسپەي̆ بەرىلىپ جۇرگەنىمىز ەشكىمگە جاسىرىن ەمەس...
.
ەستەرىڭىزدە مە، اللانىڭ اقيقاتىن اي̆تاي̆ىن دەسەڭ، ء"دىنىڭ سول ما، مولداڭ وقىعان قۇرانىنا اقشا الادى" دەي̆تىندەر بولۋشى ەدى عوي̆؟ ءدال سونىڭ جەلىسىمەن قازىر ۆيرۋستىڭ بارىنا سەنبەي̆تىندەر دە كوبەي̆ىپ جاتىر.
.
ءيا، ارامزا مولدا قاي̆ زاماندا دا بار. بىراق دىنگە ول ارقىلى باعا بەرۋدىڭ قانداي̆ اقىماقتىق ەكەنىن بىلسەڭىز، وندا "كۇرىشتىڭ ارقاسىندا كۇرمەك سۋ ىشەدى" دەگەندەي̆، ۆيرۋس جاعداي̆ىن ءوز مۇددەسىنە پاي̆دالانىپ كەتىپ جاتقان ارامتاماقتاردىڭ ارام ارەكەتىنە قاراپ ۆيرۋس جوق دەپ ارقانى كەڭگە سالۋعا دا بولماي̆تىنىن ۇعىڭىز، اعاي̆ىن! بولسا، ونداي̆لاردىڭ جازاسىن اللا بەرەدى. بىراق ۆيرۋسپەن بەتپە-بەت كەلسەڭىز، مەن جوق ەكەن دەپ قالىپپىن دەگەنىڭىز ءسىزدى ەش قۇتقارا الماي̆تىنىن ءتۇسىنىڭىز.
.
ءيا، جوعارىداعى جاعداي̆دى ەسكەرسەك، وندا ۆيرۋس جۇقتىرعاندار سانى ستاتيستيكادان الدەقاي̆دا از بولۋى مۇمكىن. ال، ىندەتتىڭ سيمپتومسىز ءتۇرى دە قاتار جاي̆لاپ جاتقانىن ەسكەرسەك، وندا ناۋقاستار قاتارى ءىس جۇزىندە الدەقاي̆دا كوپ بولۋى دا عاجاپ ەمەس! قالاي̆ بولعاندا دا، اۋرۋ سانىنا قاراپ نەمەسە الىپ-قاشپا سوزگە ەرىپ ەلدەگى احۋالعا وزىنشە باعا بەرىپ، قاتە تۇجىرىم جاساماڭىز. وي̆تكەنى، قاتەلىك سوڭى قاشان دا ورنى تولماس وكىنىشتەرگە اكەلەتىنى الىمساقتان انىق.
ەل امان بولسىن.

ەرتاي ءنۇسىپجانوۆتىڭ الەۋمەتتىك جەلىدەگى جازباسى

Abai.kz