دەپۋتاتتىق كورپۋس پەن ۇكىمەتتىڭ بىرلەسكەن جۇمىسى «Nur Otan» پارتياسىنىڭ سايلاۋالدى باعدارلاماسىنىڭ قاجەتتى زاڭنامالىق نەگىزىن قالىپتاستىرىپ، پارتيانىڭ سايلاۋ الدىنداعى بارلىق مىندەتتەمەلەرىن ورىنداۋعا مۇمكىندىك بەردى. بۇل تۋرالى بۇگىن ماجىلىستەگى «Nur Otan» پارتياسى فراكتسياسىنىڭ كەڭەيتىلگەن وتىرىسىندا تالقىلاندى.

پارتيانىڭ «قازاقستان - 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىنىڭ ورىندالۋ بارىسىن تالقىلاۋ ۆيدەوكونفەرەنتسيا رەجيمىندە ءوتتى.

جيىنعا قاتىسۋشىلار باعدارلامانى جۇزەگە اسىرۋ بارىسىنا اي سايىن مونيتورينگ جۇرگىزىپ وتىرۋدى ەلباسى، «Nur Otan» پارتياسىنىڭ كوشباسشىسى نۇرسۇلتان نازارباەۆتىڭ العا قويعان تاپسىرماسى ەكەنىن اتاپ ءوتتى. سونىمەن قاتار، دەپۋتاتتىق كورپۋس پەن ۇكىمەتتىڭ بىرلەسكەن جۇمىسى، قاجەتتى زاڭنامالىق نەگىز قۇرۋ قازىرگى ۋاقىتتا پارتيانىڭ بارلىق سايلاۋ الدىنداعى مىندەتتەمەلەرىنىڭ 90% - ىن ورىنداۋعا مۇمكىندىك بەرگەنىنە توقتالدى.

فراكتسيانىڭ كەڭەيتىلگەن جينالىسىنا قاتىسقان ەلىمىزدىڭ پرەمەر-ءمينيسترى اسقار ءماميننىڭ ايتۋىنشا، قازىرگى ۋاقىتتا الدا تۇرعان بارلىق جوسپارلانعان ءىس-شارالار مەرزىمىندە ورىندالماق.

وسى رەتتە، فراكتسيا مۇشەلەرى سايلاۋ الدىنداعى مىندەتتەمەلەردى ورىنداۋ ولاردىڭ تۇراقتى باقىلاۋىندا بولاتىنىن اتاپ ءوتتى.

زاڭ جوبالارى بويىنشا جۇمىس بارىسىندا دەپۋتاتتار پارتيانىڭ العا قويعان مىندەتتەرىن شەشۋدە، ەڭ الدىمەن، قاجەتتى قارجى رەسۋرستارىن قامتاماسىز ەتۋدىڭ ناقتى جولدارىن ىزدەستىرۋگە باسا نازار اۋداردى.

سونىمەن قاتار، ءماجىلىس دەپۋتاتتارى ىشكى نارىقتى وتاندىق ونىمدەرمەن تولىقتىرىپ، تۇرعىن ۇيمەن قامتاماسىز ەتۋ، اتاۋلى الەۋمەتتىك كومەكتى تاعايىنداۋداعى اشىقتىق ءۇشىن مەملەكەتتىك ورگانداردىڭ اقپاراتتىق جۇيەلەرىن «E-Halyk» اقپاراتتىق جۇيەسىمەن بىرىكتىرۋدىڭ مەرزىمدەرىن اياقتاۋ سىندى بىرقاتار ماسەلەلەردى كوتەردى.

دەپۋتاتتار جۇمىستىڭ الەۋەتتى باعىتتارى تۋرالى ايتا كەلە، الەمدىك تەندەنتسيالار مەن ەڭبەك نارىعىنىڭ قاجەتتىلىكتەرىن ەسكەرە وتىرىپ، ءونىمدى جۇمىسپەن قامتۋعا حالىقتىڭ بەلسەندى قاتىسۋى قاجەتتىلىگىنە نازار اۋداردى. سونداي-اق، ءماجىلىس دەپۋتتارى ىشكى نارىقتى مولايتىپ، ەكسپورتتى دامىتۋ ءۇشىن اگرارلىق سالانى دامىتۋدىڭ جاڭا ءتاسىلىن ازىرلەۋدىڭ قاجەتتىگىنە توقتالدى.

Abai.kz