قازاقستاندىق بۇقارالىق اقپارات قۇرالدارى قازان ايىنا دەيىن سالىقتان بوساتىلادى. بۇل تۋرالى اقپارات جانە قوعامدىق دامۋ ءمينيسترى ايدا بالاەۆا حابارلادى.

بالاەۆانىڭ ايتۋىنشا، بۇقارالىق اقپارات قۇرالدارىنا قولداۋ كورسەتىلەتىن بولادى، ويتكەنى ءباسپاسوز جارنامالىق تابىستىڭ 60 پايىزىن جوعالتۋى مۇمكىن.

«پارلامەنت داعدارىسقا قارسى شارالار اياسىندا 2020 جىلعى 1 ساۋىردەن 1 قازانعا دەيىنگى كەزەڭگە سالىقتار مەن جالاقى قورىنان مىندەتتى اۋدارىمداردان بوساتۋدى كوزدەيتىن زاڭناماعا تۇزەتۋلەردى ماقۇلدادى. پارلامەنت 2020 جىلدىڭ 1 شىلدەسىنەن 31 جەلتوقسانىنا دەيىن كوممەرتسيالىق تەلەديدارلار مەن راديوارنالاردى انالوگتىق جانە ساندىق حابار تاراتۋ قىزمەتتەرىنە اقى تولەۋدەن بوساتۋدى قاراستىراتىن زاڭ جوباسىن قابىلدادى»، - دەدى مينيستر حالىقپەن ەسەپتىك كەزدەسۋدە.

بۇعان دەيىن سەنات «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى «كودەكسكە وزگەرىستەر مەن تولىقتىرۋلار ەنگىزۋ تۋرالى» جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىن قولدانىسقا ەنگىزۋ تۋرالى زاڭدى قابىلدادى.

پالاتادا اتاپ وتىلگەندەي، تۇزەتۋلەر مەملەكەتكە كاسىپكەرلىك سۋبەكتىلەرى مەن قوعامعا قولداۋ كورسەتۋگە مۇمكىندىك بەرەدى.

Abai.kz