رەسەي فەدەراتسياسى قازاقستانعا گۋمانيتارلىق كومەك جىبەردى. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى مالىمدەدى.

قر پرەمەر-ءمينيسترى اسقار ءماميننىڭ رف ۇكىمەتىنىڭ توراعاسى ميحايل ميشۋستينمەن COVID-19-عا قارسى ءىس-قيمىل بويىنشا بىرلەسكەن ۋاعدالاستىقتارىنىڭ جالعاسى رەتىندە 8 شىلدە كۇنى نۇر-سۇلتانعا رەسەي فەدەراتسياسى تجم ارنايى بورتىمەن قازاقستان تاراپى ءۇشىن گۋمانيتارلىق جۇك جەتكىزىلدى.

رف گۋمانيتارلىق كومەگىنە مەديتسينالىق ماسكا، قورعانىستىق كيىم جيىنتىقتارى مەن مەديتسينالىق پرەپاراتتار كىرەدى. قازاقستانداعى گۋمانيتارلىق كومەكتىڭ بىرىڭعاي وپەراتورى «سق-فارماتسيا» جشس بولىپ تابىلادى. جاقىن ارادا رەسەيدەن گۋمانيتارلىق جۇك بار تاعى بىرنەشە رەيس كەلەدى كۇتىلۋدە.

«قازاقستان سىرتقى ىستەر مينيسترلىگى كوروناۆيرۋس پاندەمياسىمەن كۇرەستە كورسەتكەن قولداۋى ءۇشىن رەسەي ۇكىمەتى مەن باۋىرلاس حالقىنا العىسىن بىلدىرەدى»، - دەلىنگەن حابارلامادا.

Abai.kz