الماتى وبلىسىنىڭ باس مەملەكەتتىك سانيتار دارىگەرى قايرات بايمۇحامبەتوۆ قايتىس بولدى. مالىمەتتى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل راستادى.

ءولىمنىڭ ءمان-جايىن اكىمدىكتەگىلەر كەيىنىرەك حابارلاۋعا ۋادە بەردى.

ينستيتۋتتى بىتىرگەننەن كەيىن 1991 جىلدان باستاپ تىڭ تەمىر جولى سانيتارلىق-ەپيدەميولوگيالىق ستانتسياسىنىڭ كوكشەتاۋ بولىمشەسىنىڭ سانيتار دارىگەرى بولىپ جۇمىس ىستەدى. 1993 جىلدان باستاپ كوممۋنالدىق گيگيەنا بويىنشا دارىگەر، كۇرشىم اۋداندىق سانيتارلىق-ەپيدەميولوگيالىق ستانتسياسىنىڭ سانيتارلىق ءبولىمىنىڭ مەڭگەرۋشىسى، 2001 جىلدان باستاپ شىعىس قازاقستان وبلىسى گلۋبوكوە اۋداندىق سانيتارلىق-ەپيدەميولوگيالىق ستانتسياسىنىڭ باس دارىگەرى بولىپ جۇمىس ىستەدى. 2013 جىلدان 2016 جىلعا دەيىن قازاقستان رەسپۋبليكاسى دەنساۋلىق ساقتاۋ مينيسترلىگى مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ اقمولا وبلىسى بويىنشا دەپارتامەنتىنىڭ باسشىسى، اقمولا وبلىسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى لاۋازىمىندا جۇمىس ىستەدى.

2016 جىلى قازاقستان رەسپۋبليكاسى ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى بولىپ قىزمەت ەتكەن.

2017-2019 جىلدارى قاراعاندى وبلىسىنىڭ قوعامدىق دەنساۋلىق ساقتاۋ دەپارتامەنتىنىڭ باسشىسى بولىپ جۇمىس ىستەدى. سودان كەيىن الماتى وبلىسىنىڭ باس مەملەكەتتىك سانيتارلىق دارىگەرى بولىپ تاعايىندالدى.

دەرەككوز: Tengrinews.kz

Abai.kz