قازاقستاندا مەكتەپ فورماسىن كيۋ ەرەجەسىنە وزگەرىستەر ەنگىزىلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى.

ونىڭ ايتۋىنشا، بىرنەشە جىل بۇرىن ءبىلىم جانە عىلىم ءمينيسترىنىڭ مەكتەپ فورماسىن كيۋ تۋرالى بۇيرىعى قابىلدانعان.

ء"بىز بۇل بۇيرىقتان باس تارتپايمىز. "مەكتەپ فورماسى" ۇعىمىنىڭ ءوزى، ونىڭ ءپرينتسيپى مەن قويىلاتىن تالاپتارى ەشقايدا كەتپەيدى. بىراق ءبىز بۇل بۇيرىققا ارنايى تارماق ەنگىزدىك: ول تج كەزەڭىنە، كارانتين، شەكتەۋ شارالارىنا نەمەسە توسىن جاعدايلارعا قاتىستى. ءدال وسىنداي جاعدايلاردا ءبىز بالالارعا مەكتەپكە ۇقىپتى كلاسسيكالىق كيىمدە كەلۋىنە مۇمكىندىك بەرەمىز", - دەدى مينيستر.

"اتا-انالاردىڭ قازىر مەكتەپ فورماسىن ساتىپ الۋعا مۇمكىندىگى بولماسا، ولار بالالارىن كلاسسيكالىق جانە ىسكەرلىك ستيلدە ادەتتەگى كيىممەن قامتاماسىز ەتۋ قاجەت. وسىنداي شەشىم قابىلدادىق. قازىرگى جاعدايدا ءبىز بۇل شەشىمدى ماڭىزدى دەپ سانايمىز", - دەدى ايماعامبەتوۆ.

"بۇل شەشىمدى ءبىز ۇسىنىس رەتىندە ەنگىزبەدىك. ءبىز مۇنى ءبىلىم جانە عىلىم ءمينيسترىنىڭ بۇيرىعىنا وزگەرىستەر ەنگىزۋ، ونى ادىلەت ورگاندارىندا تىركەۋ ارقىلى جاسايمىز. بۇل شەشىم نورماتيۆتىك-قۇقىقتىق قۇجات بولۋى ءۇشىن كەرەك", - دەپ قورىتىندىلادى ۆەدومستۆو باسشىسى.

Abai.kz