ددۇ باس وكىلى كەرولاين كلارينۆال قازاقستانداعى بەلگىسىز پنەۆمونيا COVID-19 بولۋى مۇمكىن ەكەنىن ايتتى. 

الايدا ول ازىرشە اسىعىس شەشىم قابىلداماۋعا شاقىردى.

ء"يا، ماۋسىم ايىنىڭ باسىنان باستاپ پنەۆمونيا جاعدايلارى كوبەيدى، بىزگە وسى جاعدايدى انىقتاۋدى تاپسىردى. دەنساۋلىق ساقتاۋ مينيسترلىگى دە وسىمەن اينالىسىپ جاتىر. بۇل حابارلامالار باق تاراپىنان ۇلكەن نازارعا ءىلىندى، بىراق ءبىز قورىتىندى جاساماس بۇرىن دەرەكتەردى جيناپ، ولاردى تالداۋعا ءتيىسپىز. مەن دوكتور راياننىڭ ايتقانىن قايتالايمىن: بۇل COVID-19. كەيبىر پاتسيەنتتەر كومەككە كەش جۇگىندى، ولاردا پنەۆمونيا بەلگىلەرى بار بولسا، بىراق ءبىز ازىرگە ۆيرۋستىڭ بار-جوعىن انىقتاي المايمىز.

سونداي-اق، جەرگىلىكتى زەرتحانالاردىڭ مۇمكىندىكتەرىن انىقتاۋ قاجەت. ءبىز كەيدە جالعان تەرىس ناتيجەلەر بولاتىنىن بىلەمىز. ددۇ ەلگە زەرتحانالىق زەرتتەۋلەر سالاسىنداعى ساراپشىلار توبىن جىبەرەدى. مۇندا ءتۇرلى سەبەپتەر بولۋى مۇمكىن، بىراق ەڭ باستىسى - قورىتىندى شىعارۋعا اسىقپاڭىز، سەبەبى بىزدە ءالى قاجەتتى بارلىق اقپارات جوق", - دەدى ول.

ايتا كەتەيىك، ددۇ دەنساۋلىق ساقتاۋ سالاسىنداعى توتەنشە جاعدايلار جونىندەگى باعدارلاماسىنىڭ ديرەكتورى مايكل رايان قازاقستانداعى "بەلگىسىز" پنەۆمونيا كوروناۆيرۋس بولۋى مۇمكىن ەكەنىن ايتقان بولاتىن. كەيىن قازاقستاننىڭ دەنساۋلىق ساقتاۋ مينيسترلىگى بۇل مالىمەتتى جوققا شىعارعان بولاتىن.

Abai.kz