سىرتقى ىستەر ءمينيسترىنىڭ ورىنباسارى ەرجان اشىقباەۆ كوروناۆيرۋس پاندەمياسى كەزىندە ەلىمىزگە شەتەلدەن 98 جاساندى تانىس الدىرۋ اپپاراتى جەتكىزىلگەنىن ايتتى.

"جاساندى تانىس الدىرۋ اپپاراتتارىنىڭ باسىم بولىگى جاقىندا جەتكىزىلدى. سوڭعى 2 اپتانىڭ ىشىندە تۇركيادان 30 اپپارات، بىرىككەن اراب امىرلىكتەرىنەن 25 اپپارات، گرۋزيالىق كومپانيادان 10 اپپارات الدىق. وعان دەيىن دجەك ما قورى دا ەلىمىزگە جاساندى تىنىس الدىرۋ اپپاراتىن جەتكىزدى. ولاردان ءبىز 30 اپپارات الدىق. جالپى ەلىمىزگە 98 جاساندى تىنىس الدىرۋ اپپاراتى جەتكىزىلدى", - دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

ونىڭ ايتۋىنشا، 3-4 كۇننىڭ ىشىندە قازاقستانعا جەتكىزىلگەن اپپاراتتاردى قوسپاعاندا ءتيىستى مەديتسينالىق قۇرالدار اۋرۋحانالار جەتكىزىلىپ، ىسكە قوسىلعان.

ايتا كەتەيىك، قازاقستاندا كوروناۆيرۋس جۇقتىرعاندار سانى 63 514-كە جەتتى. 38 008 ناۋقاس دەرتىنەن ايىقتى، 396 ادام قايتىس بولدى.

Abai.kz