قازاقستان رەسپۋبليكاسى پارلامەنتى سەناتى مەن ءماجىلىسى باسشىلىعىنىڭ كەلىسىمى بويىنشا ۆەتنام سوتسياليستىك رەسپۋبليكاسى ۇلتتىق جينالىسى (ۆەتنام پارلامەنتى) ەلىمىزدە كوروناۆيرۋستىڭ تارالۋىنا قارسى گۋمانيتارلىق كومەك ۇيىمداستىردى.

ۆەتنامدىق پارلامەنتشىلەر گۋمانيتارلىق كومەك رەتىندە جىبەرگەن جەكە قورعانىس قۇرالدارى اتىراۋ وبلىسىنداعى مەديتسينالىق مەكەمەلەرگە جىبەرىلدى.

ايماقتاعى مەديتسينالىق ۇيىمدارعا ۋاقتىلى جەتكىزۋ جانە تاراتۋدى ءماجىلىس پەن سەنات دەپۋتاتتارى باقىلاۋىنا الدى.

قازىرگى ۋاقىتتا ءماجىلىس دەپۋتاتتارى ەلىمىزدە كوروناۆيرۋستىق ينفەكتسيامەن كۇرەسۋ بويىنشا كەشەندى جۇمىستارعا بەلسەندى ارالاسۋدا.

Abai.kz