تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانعازيەۆ قازاقستان 5 ايدا قىتايدان 3 ميلليارد تەڭگەگە كوروناۆيرۋسقا تەست ساتىپ العانىن ايتتى. 

- ناۋرىزدان بەرى 3 ميلليارد تەڭگەگە قحر-دان 696 مىڭ تەست جۇيەسى ساتىپ الىندى. وسى ۋاقىتقا دەيىن قازاقستان بويىنشا 1 ميلليون 700 مىڭنان استام زەرتتەۋ جۇرگىزىلدى. ونىڭ ىشىندە 971 مىڭ زەرتتەۋ ۇلتتىق ساراپتاما ورتالىعىندا جۇرگىزىلدى.

بۇل تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ زەرتحاناسىنىڭ بازاسى بولىپ سانالادى. قالعان زەرتتەۋلەر جەكە مەديتسينالىق جانە مەديتسينالىق ۇيىمداردا، دەنساۋلىق ساقتاۋ باسقارمالارىنداعى زەرتحانالاردا جۇرگىزىلدى، - دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

ايتا كەتەيىك، قازاقستاندا كوروناۆيرۋس جۇقتىرعاندار سانى 65 188-گە جەتتى. 39 066 ناۋقاس دەرتىنەن ايىقتى، 375 ادام قايتىس بولدى.

دەرەككوز: Tengrinews.kz

Abai.kz