بۇل تۋرالى وزبەكستاننىڭ بۇقارالىق اقپارات قۇرالدارى حابارلادى.

وزبەكستاننىڭ قىتايداعى ەلشىسى باحتيەر سايدوۆ پەن قىتايدىڭ Sinopharm Group كومپانياسىنىڭ باسقارما توراعاسى ليۋ تسزينچجەن ەكى ەلدىڭ كوروناۆيرۋس پاندەمياسىمەن بىرلەسە كۇرەسۋ مۇمكىندىكتەرىن تالقىلادى. اتاپ ايتقاندا، قىتاي جاعى كوروناۆيرۋسقا قارسى ۆاكتسينانىڭ كلينيكالىق سىناعى ەكى كەزەڭدە ءساتتى وتكەنىن حابارلادى. ۆاكتسينانى China National Biotec Group (CNBG, Sinopharm Group قۇرامىنا كىرەدى) ازىرلەگەن.

"جاقىندا قىتاي تۇرعىندارى اراسىندا ءۇشىنشى - قورىتىندى سىناق باستالدى. قىتاي كورپوراتسياسىنىڭ جەتەكشىسى وسىنداي سىناقتى وزبەكستان اۋماعىندا دا وتكىزۋدى ۇسىندى" دەلىنگەن جەرگىلىكتى باق تاراتقان اقپاراتتا.

حابارلارعا قاراعاندا، جاڭا ۆاكتسينانىڭ سىناعى بىرىككەن اراب امىرلىكتەرىندە دە وتەدى. وعان 15 مىڭعا جۋىق ادام قاتىسادى.

ۆاكتسينا ەكى جىلعا دەيىن اسەر ەتەدى دەلىنگەن. قازىر قىتايدا بۇل ۆاكتسينانى 50 مىڭنان استام ادام سالدىرعان. شىلدەدە پەكيندە ۆاكتسينا شىعاراتىن ەكىنشى زاۋىتتىڭ قۇرىلىسى اياقتالدى. العاشقى زاۋىت ۋحان قالاسىندا سالىنعان. ەندى قىتاي جىلىنا ۆاكتسينانىڭ 200 ميلليون داناسىن شىعارا الادى.

Abai.kz